Atvinnuskírteini

Gefin eru út atvinnuskírteini fyrir sjómenn sem hyggjast starfa á skipum, hvort heldur er fiskiskipum, varðskipum eða öðrum skipum (ekki alþjóðaskírteini STCW)

Með reglugerð Samgönguráðuneytisins nr. 535/2008  voru sett nánari ákvæði um skipstjórnarnám, vélastjórnarnám, skírteinisflokka, yfirfærslu eldri skírteina í ný skírteini auk lágmarksmönnunar skipstjórnar- og vélstjórnarmanna á fiskiskip, varðskip og önnur skip, sjá nr. 175/2008 með síðari breytingum.

Umsóknarferli

Þeir sem ætla að sækja um atvinnuskírteini til starfa á fiskiskipum, varðskipum og öðrum skipum þurfa að fylla út rafræna umsókn.

Eftirtalin gögn þurfa að fylgja umsókn áður en hún er tekin til afgreiðslu:

  1. Læknisvottorð um sjón, heyrn og heilbrigði sjómanna (ekki eldra en 6 mánaða)

  2. Ein nýleg mynd í vegabréfastærð

  3. Staðfesting á greiðslu skírteinis

  4. Skjöl um tilskilinn siglingatíma (ef siglingatími er erlendis, þá með sjóferðabók eða vottorði útgerðar)

  5. Afrit af prófskírteini frá skóla (ef sótt er um í fyrsta sinn eftir að námi lýkur)

  6. Afrit af áður útgefnu atvinnuskírteini (ef um endurnýjun er að ræða)

Gögnin skal senda rafrænt sem fylgiskjöl með umsókninni. Einnig er hægt að senda gögn á netfangið sigling@samgongustofa.is eða í pósti merkt Samgöngustofu, Ármúla 2, 108 Reykjavík. 

Afgreiðsla

Samgöngustofa miðar við að afgreiða skírteini innan 10 virkra daga frá því öll gögn og greiðsla hafa borist. Umsækjendur geta óskað eftir því að fá skírteinið póstsent eða sótt það á skrifstofu Samgöngustofu.

Greiðsla 

Gjald fyrir útgáfu og endurnýjun atvinnuskírteina fyrir fiskiskip, varðskip og önnur skip (STCW-F) fer eftir  gjaldskrá Samgöngustofu og er kr. 8900. Gjaldið greiðist inná reikning nr. 515-26-210777 í Íslandsbanka. Reikningseigandi er Samgöngustofa kt: 540513-1040. Greiðslukvittun skal senda á sigling@samgongustofa.is.  

Ítarefni

Spurningar og svör um atvinnuskírteini og mönnun skipstjórnarmanna á fiskiskipum o.fl.

Spurningar og svör um atvinnuskírteini og mönnun vélstjórnarmanna á fiskiskipum o.fl.

Spurningar og svör um mönnun skipa.



Var efnið hjálplegt? Nei