Prófsýning

Hægt er að nálgast umsóknareyðublað fyrir prófsýningu á vef Samgöngustofu.

Umsóknareyðublaðið skal vistað og skilað útfyllt sem Word skjal (.doc/.docx), eða skannað í góðri upplausn og vistað sem PDF skjal (.PDF). Umsóknum á öðrum sniðmátum verður hafnað. 

Umsókn skal send í viðhengi með tölvupósti á netfangið prof@icetra.is. Einnig er hægt að skila inn útfylltri umsókn í móttöku Samgöngustofu, Ármúla 2, 108 Reykjavík.

Greitt er fyrir prófsýningu með millifærslu á reikning Samgöngustofu, eða með kreditkorti símleiðis. Nánari upplýsingar má finna á umsóknareyðublaði.

Aðeins verða birt svör við þeim spurningum sem var rangt svarað á prófi. Próf verða sýnd á tölvu.

Símgreiðsla : Samgöngustofa  s. 480-6000 - greitt með kreditkorti.

Millifærsla^*: Reikningur Samgöngustofu: 0515-26-131260, kt. 540513-1040

* Sé greitt með millifærslu skal setja kennitölu umsækjanda í skýringu og kvittun send með tölvupósti á prof@icetra.is.

Prófsýningargjald er 603 kr. fyrir hvert próf sem sótt er um að skoða.

Umsókn um prófsýningu er ekki gild nema greiðsla hafi borist fyrir síðasta skráningardag. Athugið að ekki er hægt að ganga frá greiðslu prófsýningargjalda, samdægurs prófsýningu, í afgreiðslu Samgöngustofu.

Einungis próftökum sem þreyttu próf í síðustu prófasetu gefst völ á prófsýningu hverju sinni.

Næstu prófsýningar:

Prófsýning fyrir einkaflugmanns- og atvinnuflugmannspróf verður haldin 20. júní 2023 í húsnæði Samgöngustofu, Ármúla 2, 108 Reykjavík

Einkaflugmannspróf (PPL) og atvinnuflugmannspróf (ATPL):

• Prófsýning hefst kl. 13:00 og lýkur stundvíslega kl. 14:00.
• Takmarkaður fjöldi getur skoðað próf í einu. 
• Athugið að umsækjanda gæti verið úthlutað tíma til að skoða sín próf innan tilgreinds tímabils. 

Umsækjendur hafa 15 mínútur til að skoða hvert próf (mest 60 mínútur samtals)

Umsókn og greiðsla verða að berast í síðasta lagi 18. júní 2023.  Ekki er tekið við umsóknum um prófsýningu eftir þann tíma. 

Prófsýningargjöld fást ekki endurgreidd eftir að umsóknarfrestur er liðinn.