Árið 2021 útnefnt sem ár verndarmenningar
Alþjóðaflugmálastofnunin (ICAO) hefur útnefnt árið 2021 sem alþjóðlegt ár verndarmenningar. Verndarmenning er til þess fallin að auka velgengni fyrirtækja í flugi og byggir m.a. á viðhorfum og vinnulagi. Skýr stefnumörkun, þátttaka og skuldbinding stjórnenda er nauðsynleg því verndarmenning varðar allt starfsfólk og starfsemi vinnustaðarins í heild.
Bent er á leiðir til að efla verndarmenningu:
- Uppbygging vinnuumhverfis sem eflir virka verndarmenningu;
- Fullnægjandi þjálfun starfsfólks til að efla skilning og þekkingu á innri ógnum;
- Skuldbinding stjórnenda um innleiðingu verndarmenningar í starfsemi fyrirtækisins;
- Þekking á flugverndarógnum á hverjum tíma;
- Stöðug árvekni starfsfólks;
- Þekking á verklagi um flugverndaratvik og atvikatilkynningar – sanngirnismenning;
- Þekking á viðbrögðum við ógnum sem upp kunna að koma;
- Þekking á ógnum sem steðjað geta að net- og upplýsingakerfum og þekking á viðbragðsáætlunum vegna netárása;
- Stöðugar umbætur flugverndarráðstafana, m.a. í kjölfar greindra frávika í innra sem ytra eftirliti.
Upplýsingar um verndarmenningu má finna á vef Samgöngustofu, bæði hér og einnig hér. Þá má á vefnum tilkynna flugatvik .
