Drónaflug er bannað yfir 120 metrum
Að gefnu tilefni vill Samgöngustofa árétta reglur sem gilda um drónaflug. Þær eru settar til að tryggja öryggi, t.d. aðgreiningu dróna og annarra loftfara:
- Ekki má fljúga hærra en 120 m yfir jörðu
- Ávallt skal víkja fyrir mönnuðum loftförum
- Dróna má ekki fljúga utan sjónsviðs stjórnanda hans
- Umráðandi dróna ber ábyrgð á því tjóni sem kann að hljótast af notkun hans
- Til dróna í atvinnuskyni eru gerðar frekari kröfur, til dæmis um skráningu
Verði vart við brot sem geta stefnt öryggi í hættu gæti þurft að grípa til þess að setja algjört bann við drónaflugi við eldstöðina.
Upplýsingar um drónaflug og reglur má finna hér.
Upplýsingar um tímabundið bann á drónaflugi við eldstöð vegna rannsóknarflugs verða birtar á vef Almannavarna.
