Flugöryggisfundur

Öryggi í almannaflugi

24.5.2017

Flugöryggisfundur verður haldinn hjá Flugklúbbnum Þyt og Flugmálafélagi Íslands miðvikudagskvöldið 24. maí. Þar verður kynnt forvarnarátak um öryggi í almannaflugi. Átakið er samvinnuverkefni Samgöngustofu og Flugmálafélags Íslands.
Fundurinn verður haldinn í flugskýli Þyts Fluggörðum og hefst kl. 20:00, allir velkomnir.
Skoðaðar verða algengar orsakir óhappa í almannaflugi á Íslandi og farið yfir almenn öryggisatriði. Skerpt verður á breytingum sem voru gerðar 2016 á sjónflugsleiðum 3 og 4 sem og breytingu á skipulagi flugs í Austursvæði og Sandskeiðssvæði. 
Kynnt verður verklag sem lagt er til að flugmenn í almannaflugi tileinki sér. 
Jafnframt verða kynnt þau lög og reglur sem eru í gildi fyrir flug á Íslandi.