2.296 skip á aðalskipaskrá
Þann 1. janúar síðastliðinn voru 2.296 skip á aðalskipaskrá og hefur þeim fækkað um 4 frá árinu 2014. Á árinu 2014 voru frumskráð og endurskráð skip 34, afskráð skip voru 38 en eitt skip fór á þurrleiguskrá.
Einn skuttogari 7.682 BT er grunnskráður á aðalskipaskrá, en á þurrleiguskrá þann 1. janúar 2015.
Á vef Samgöngustofu má skoða töflu yfir þróun skipastólsins undanfarin ár sem og skipaskrár allt aftur til ársins 2004.
