Björgunarbúninga í öll skip sem notuð eru í atvinnuskyni

21.12.2012

Frá sjóbjörgunaræfingu.

Nú um áramót tekur gildi breyting á reglum um björgunar- og öryggisbúnað íslenskra skipa eins og kynnt var sl. sumar.

Fram að þessu hefur skv. reglum nr. 189/1994, með síðari breytingum verið skylt að hafa björgunarbúninga um borð í öllum skipum sem eru 12 metrar að lengd og lengri og notuð eru í atvinnuskyni, en í bátum undir 12 metrum átti að vera viðurkenndur vinnufatnaður fyrir alla um borð, sem er einangrandi og búinn floti. Skemmtibátar með haffærisskírteini til úthafssiglinga skyldu búnir björgunarbúningum fyrir alla þá sem eru um borð hverju sinni.

Með reglum nr. 519/2012 er kveðið á um að björgunarbúningar skuli vera um borð í öllum skipum sem notuð eru í atvinnuskyni, og tekur krafan gildi fyrir báta 8-12m nú um áramót, eða frá og með 1. janúar 2013 og fyrir báta undir 8 metrum frá og með 1. janúar 2014

 

Fræðslupési:

Neyðarbúnaður II - Björgunarbúningar