Staðan í Landeyjahöfn

18.12.2012

Landeyjahöfn.

Í síðustu viku leit út fyrir að hægt yrði að dýpka við Landeyjahöfn svo Herjólfur gæti siglt þangað um hátíðarnar og var dýpkunarskipið Perlan send á staðinn. Síðdegis í gær var ljóst að hagstæð veðurspá mun ekki ganga eftir. Auk þess sýna dýptarmælingar sem gerðar voru í gær að magnið sem fjarlægja þarf fyrir Herjólf er of mikið til að það náist áður en veðrið gengur upp aftur. Í ljósi aðstæðna var ákveðið að hætta dýpkun í bili.