Sunnudaginn 16. nóvember verður þeirra minnst sem látist hafa í umferðarslysum á Íslandi. Efnt verður í fjórða sinn til þessarar athafnar en hliðstæðir viðburðir eiga sér stað víða um heim að tilhlutan Sameinuðu þjóðanna sem hafa tileinkað þriðja sunnudag í nóvember þessari minningu

Í gær, miðvikudaginn 5.nóvember, unnu Samgöngustofa og Lögreglan á höfuðborgarsvæðinu sameiginlega að eftirliti með vörubifreiðum í akstri á höfuðborgarsvæðinu. Um var að ræða hefðbundið eftirlit en að auki var sérstaklega gefinn gaumur að flutningi á hættulegum farmi.

Þann 1. nóvember 2014 tók ný skoðunarhandbók fyrir ökutæki gildi. Í nýju útgáfunni eru dæmingar og skýringar á sumum skoðunaratriðum uppfærðar, en ber þar hæst kröfur um aukna mynstursdýpt hjólbarða yfir vetrartímann