Samgöngustofa boðar til Umferðarþings þar sem áhersla verður lögð á umferðaröryggi á Íslandi - sérstaklega með tilliti til vaxandi fjölda erlends ferðafólks

Verkefnið  Göngum í skólann var sett af stað í tólfta sinn í Ártúnsskóla í morgun. Meginmarkmið með verkefninu er að hvetja nemendur og foreldra til að ganga, hjóla eða nota annan virkan ferðamáta til og frá skóla ásamt því að hvetja til aukinnar hreyfingar og fræða börn um ávinning reglulegrar hreyfingar. 

Starfsfólk Samgöngustofu tók á móti góðum hópi ökukennaranema sem kynntu sér hlutverk og starfsemi stofnunarinnar er varðar samgönguöryggi í umferð, flugi og á sjó. 

Samgöngustofa og lögreglan á höfuðborgarsvæðinu hafa í undirbúningi samvinnu til að sporna við auknum fjölda slysa vegna vímuefnaaksturs. Bára Tómasdóttir, Andrea Ýr Arnarsdóttir og Aníta Rún Óskarsdóttir, fulltrúar forvarnarverkefnisins Ég á bara eitt líf, heimsóttu Samgöngustofu í síðustu viku og lýstu yfir vilja til samstarfs.