Hertar reglur um sóttvarnarráðstafanir á landsvísu taka gildi á miðnætti 24. mars 2021 og munu gilda í 3 vikur. Tíu manna fjöldatakmörkun verður meginregla og aðeins börn fædd 2015 og síðar verða þar undanskilin. Margvísleg starfsemi sem rúmast ekki innan reglu um 10 manna fjöldatakmörkun verður stöðvuð og fram hefur komið að ökunám og flugnám með kennara er óheimilt. 

Undanfarið hefur Samgöngustofa unnið að því að einfalda ferlið við förgun ökutækja í samstarfi við Stafrænt Ísland, Fjársýslu ríkisins og Úrvinnslusjóð. Sá áfangi hefur nú náðst að ferlið er allt orðið sjálfvirkt en krafðist þess áður að eigendur ökutækis þurftu að fara milli staða með pappír.

Samgöngu- og sveitarstjórnarráðuneytið og umferðaröryggisráð standa fyrir opnum veffundi þriðjudaginn 23. mars kl. 8:30-9:45 um fjölbreytta ferðamáta og öryggi léttra bifhjóla, rafhlaupahjóla og annarra smáfarartækja í umferðinni.