Göngum í skólann 2016
Í Akurskóla í Reykjanesbæ í fyrramálið, 7. september kl 9:00 verður verkefninu „Göngum í skólann“ hleypt af stokkunum. Markmið verkefnisins eru að hvetja börn til að ganga í og úr skóla og auka færni þeirra til að ferðast á öruggan hátt í umferðinni. Er þetta tíunda árið sem verkefnið er unnið hér á landi.
Göngum í skólann er samstarfsverkefni Samgöngustofu, Íþrótta- og Ólympíusambands Íslands, Ríkislögreglustjóra, Embættis landlæknis, mennta- og menningamálaráðuneytis, Slysavarnafélagsins Landsbjargar og Heimilis og skóla.
