Þann 1. júlí hækkar umferðaröryggisgjald um 100 kr.

27.6.2013

 Þann 1. júlí næstkomandi mun umferðaröryggisgjald sem innheimt er við almenna skoðun ökutækis, skráningu ökutækis og skráningu eigendaskipta, hækka úr 400 krónum í 500 krónur. 

Þann dag munu lög nr. 119/2012 um Samgöngustofu koma til framkvæmda, en skv. 1. mgr. 12. gr. laganna er kveðið á um þessa hækkun. Í lögunum segir að leggja skuli á sérstakt umferðaröryggisgjald er renni til Samgöngustofu að fjárhæð 500 kr. og greiðist það við almenna skoðun ökutækis, skráningu ökutækis og skráningu eigendaskipta að ökutæki. Ráðherra setur reglur um innheimtu gjaldsins og um skil þess í ríkissjóð.