Vefur Samgöngustofu í hópi fimm bestu ríkisvefjanna
Á Degi upplýsingatækninnar sem haldinn var í dag, voru kynntar niðurstöður úr könnuninni „Hvað er spunnið í opinbera vefi 2015?“ en þetta í sjötta sinn sem hún fer fram. Af alls 147 vefjum ríkisstofnana sem skoðaðir voru var vefur Samgöngustofu í hópi þeirra fimm sem besta útkomu hlutu.
Veittar voru viðurkenningar fyrir bestu vefina í tveimur flokkum, annars vegar besta ríkisvefinn og hins vegar besta sveitarfélagsvefinn. Viðurkenningarnar hlutu island.is, á vegum Þjóðskrár Íslands og akranes.is, vefur Akraneskaupstaðar.
