Lyf og umferðaröryggi

Ýmis lyf geta skert hæfni fólks til að stjórna bifreið

Dæmi um slíkt eru t.d. sum geðlyf, taugalyf og svefnlyf. Einkum er hættan mest í upphafi lyfjainntöku, en þegar byrjað er að taka róandi lyf getur hættan á umferðaróhappi þrefaldast. Því er mikilvægt að leita ætíð ráða hjá lækni varðandi það hvort öruggt sé að keyra á meðan á lyfjainntökunni stendur.  

Mikilvægt að hafa í huga

Þegar byrjað er að taka nýtt lyf er gott að huga að eftirfarandi atriðum:

  1. Spyrja lækninn eða starfsfólk lyfjaverslana  hvort óhætt sé að aka eftir neyslu lyfjanna

  2. Lesa leiðbeiningar með lyfjum, einkum hugsanlegar aukaverkanir

  3. Forðast að aka bíl séu lyf merkt með rauðum þríhyrningi.  

  4. Fylgjast með hvaða áhrif lyfið hefur fyrstu dagana og forðast að aka bifreið á meðan

Rauði þríhyrningurinn

Lyf sem skerða aksturshæfni manna eru oft merkt með rauðum þríhyrningi - það er þó ekki algild regla.  

Eftirfarandi lyf merkt rauðum þríhyrningi geta skert akstursfærni:

  • Róandi lyf, lyf við kvíða, tauga- og svefnlyf
  • Bíl og sjóveikilyf
  • Ofnæmis- og ógleðilyf
  • Ýmsar tegundir verkjalyfja og hóstamixtúrur
  • Ýmsar tegundir vöðvaslakandi lyfja
  • Lyf við flogaveiki og migreni
  • Örvandi lyf, t.d amfetamín
  • Ýmis megrunarlyf
  • Öll lyf sem innihalda meira en 10% alkóhól

Lyf án rauðs þríhyrnings sem geta einnig verið hættuleg:

  • Þunglyndislyf og önnur taugalyf
  • Lyf við heymæði og ofnæmi

Fræðslumynd um lyf og akstur