1.8.10 Athugasemdir á skráningargögnum ökutækja

Skráningarskírteini eða eignarvottorð (titilsbréf) þar sem gefið er til kynna að ökutækið hafi lent í tjóni, hafi verið selt til niðurrifs, endurbyggt eða annað sambærilegt, geta eftirfarandi athugasemdir verið merktar í skráningargögnum. Vottorðin eru yfirleitt í lit, á góðum pappír, útflúruð og með bakgrunnstexta. Á bakhliðinni eru öllu jafna reitir til framsals og eigendatilkynningar.

Skila þarf til Samgöngustofu með forskráningargögnum (umsókn um forskráningu, farmbréf, skráningarskírteini/titilsbréf og tækniskýrsla), útlistun á því af hverju athugasemdin hefur verið sett á ökutækið (frá framleiðanda, skráningaryfirvaldi eða viðurkenndri tækniþjónustu) og skulu þessar útskýringar koma fram á fyrrnefndum gögnum. Samgöngustofa mun setja athugasemd í ökutækjaskrá samsvarandi athugasemd sem er á erlendum skráningargögnum. Titilsbréf og skráningarskírteini þurfa án undantekninga að vera með verksmiðjunúmeri.

Heimilt er að skrá ökutæki með eftirfarandi athugasemdir á skráningargögnum:

Abandoned Assembled Vehicle*   Historic
Theft Recovery Kit*    Replica*   
Remanufactured*        Warranty Returned         Lemon Law Buyback      

* Við nýskráningu ökutækja með viðkomandi athugasemd þarf einnig að skila inn hjólstöðu- og burðarvirkisvottorði.

Ökutæki með eftirfarandi athugasemdir er EKKI heimilt að skrá hér á landi:

Collision      Damaged  Dismantled                        Fire                                        
Flood    Gray Market   Junk                                      Revived Junk  
Salvage     Rebuilt Salvaged Revived Salvage Scrap Vehicle
Totaled        Water Damage Reconditioned                  For Parts Only
Scrap Wrecked VIN Missing Total Loss
Repaired  Rebuilt Reconstructed    Hail

Ef aðrar merkingar eru á skráningargögnum en tilgreindar eru hér að framan skal hafa samband við forskráningardeild ökutækja hjá Samgöngustofu til að meta skráningargögn. Samgöngustofa mælir með því að þetta sé gert áður en kaup fara fram og ökutæki er sent til landsins.




Var efnið hjálplegt? Nei