2.4 Meðeigandi
Útg.nr: 3 Útg.dags: 04.03.2016
Aðaleigandi og meðeigandi: Heimilt er að skrá fleiri en einn eiganda að ökutæki og er einn þeirra skráður aðaleigandi en hinir meðeigendur. Allir eigendur teljast þó jafnir að lögum nema annað komi sérstaklega fram í samningi milli þeirra. Ekki er unnt að skrá eignarhlutfall eigenda í ökutækjaskrá.
Aldur meðeiganda: Ef meðeigandi er yngri en 18 ára þarf samþykki sýslumanns (yfirlögráðanda) fyrir skráningu hans.
Tilkynning um meðeiganda: Ef óskað er skráningar meðeiganda skal framvísa tilkynningu um meðeiganda ( US.141 ). Allir eigendur skulu skrifa undir tilkynninguna og einn vitundarvott þarf að undirskriftum aðila. [Ef ritað er undir fyrir þeirra hönd skal vottað umboð að fylgja með. ]
Niðurfelling meðeiganda: Ef óskað er niðurfellingar á meðeiganda skal framvísa tilkynningu um meðeiganda ( US.141 ). Allir eigendur skulu að skrifa undir tilkynninguna og einn vitundarvott þarf að undirskriftum aðila. [Ef ritað er undir fyrir þeirra hönd skal vottað umboð að fylgja með. ]
Breyting á röð eigenda: Ef óskað er breytingar á röð eigenda skal framvísa tilkynningu um meðeiganda ( US.141 ). Allir eigendur skulu að skrifa undir tilkynninguna og einn vitundarvott þarf að undirskriftum aðila. [Ef ritað er undir fyrir þeirra hönd skal vottað umboð að fylgja með. ]
[Umboð: Í umboði skal koma fram efni umboðs, fastanúmer ökutækis, nafn og kennitala umboðsmanns, undirritun umbjóðanda og tveir vitundarvottar. Umbjóðandi, umboðsmaður og vitundarvottar skulu allir að vera orðnir 18 ára. ]
Meðeigandi við nýskráningu: Ef tilkynnt er um meðeiganda við nýskráningu skal tilgreina meðeiganda á nýskráningarbeiðni. Ekki þarf að greiða sérstaklega fyrir skráningu meðeiganda samhliða nýskráningu.
Meðeigandi við eigendaskipti: Á eigendaskiptatilkynningu ( US.140 ) er unnt að tilgreina meðeiganda. Ekki þarf að greiða sérstaklega fyrir skráningu meðeiganda samhliða eigendaskiptum.
Gjald: Fyrir skráningu meðeiganda, niðurfellingu á meðeiganda og breytingu á röð meðeiganda skal greiða gjald samkvæmt gjaldskrá Samgöngustofu. Ekki þarf að greiða fyrir skráningu meðeigenda við nýskráningu og eigendaskipti.
[...] 1)
1) 04.03.2016
