2.6.2 Sendiráðsökutæki
Útg.nr: 1 Útg.dags: 13.02.2003
Eigendaskiptatilkynning:
1) 4. mars 2009.
Framvísa skal eigendaskiptatilkynningu sem er undirrituð af seljanda og kaupanda. Heimilt er að móttaka tilkynningu sem er undirrituð af fulltrúa sendiráðs fyrir hönd sendiráðsins eða sendiráðsmanns.
Sendiráðsökutæki: Áður en heimilt er að skrá eigendaskipti að sendiráðsökutæki skal framvísa viðeigandi yfirlýsingu um sendiráðsökutæki. Einnig getur þurft að skipta um skráningarmerki á ökutækinu.
[Eigandi sendiráðsökutækis: Ökutæki erlendra sendiráða skulu vera í eigu erlends sendiráðs, starfsmanna erlends sendiráðs, maka þeirra eða barna. ] 1)
Yfirlýsing um sendiráðsökutæki: Við eigendaskipti að sendiráðsökutæki skal framvísa yfirlýsingu um sendiráðsökutæki. Ef ökutæki er selt öðrum en sendiráði eða sendiráðsmanni skal framvísa tilkynningu um að ökutækið verði afskráð sem sendiráðsökutæki (Notification to the Ministry of Foreign Affairs - Removal of Embassy Vehicles from Registration). Ef ökutæki er selt sendiráði eða öðrum sendiráðsmanni og verður áfram skráð sem sendiráðsökutæki skal framvísa yfirlýsingu um skráningu á sendiráðsökutæki (Notification to the Ministry of Foreign Affairs - Importation and Registration of Embassy Vehicles). Yfirlýsingar um sendiráðsökutæki skulu alltaf vera undirritaðar af viðkomandi sendiráði og utanríkisráðuneytinu.
Sendiráðsmerki: Ef ökutæki er skráð úr notkunarflokknum "Sendiráðsökutæki" skal skila inn sendiráðsmerkjum og setja almenn merki í staðinn. Ef ökutæki verður áfram skráð sem sendiráðsökutæki í eigu sama sendiráðs má það áfram bera sömu sendiráðsmerki en ef um annað sendiráð er að ræða skal skipta um skráningarmerki og setja á sendiráðsmerki viðkomandi sendiráðs. Áður en sendiráðsmerki eru afhent eða tekin af ökutæki skal ganga úr skugga um að viðeigandi yfirlýsingu um sendiráðsökutæki hafi verið framvísað.
Notkunarflokkurinn sendiráðsökutæki: Þegar sendiráðsmerki eru afhent á ökutæki breytist notkunarflokkur þess sjálfkrafa í "Sendiráðsökutæki". Þegar almenn merki eru afhent á ökutæki breytist notkunarflokkurinn í "Almenn notkun. Áður en heimilt er að afhenda eða taka sendiráðsmerki af ökutæki skal ganga úr skugga um að viðeigandi yfirlýsingu um sendiráðsökutæki hafi verið framvísað.
Breytingalás 9: Ef ökutæki hefur breytingalás 9 vegna vörugjalda að beiðni tollstjóra er óheimilt að skrá eigendaskipti og breytingu á notkunarflokki fyrr en breytingalás hefur verið aflétt að beiðni tollstjóra.
Opinber gjöld: Greiða skal bifreiðagjöld og þungaskatt (ef við á) fyrir það sem eftir stendur af gjaldtímabili.
