2.6.4 Hjónaskilnaður
Útg.nr: 2 Útg.dags: 06.02.2013
Eigendaskiptatilkynning: Við skilnað geta hjón framvísað tilkynningu um eigendaskipti sem er fyllt út á hefðbundinn hátt. Til að eigendaskipti séu skráð án greiðslu skal framvísa staðfestingu sýslumanns á því að um eigendaskipti vegna skilnaðs hjóna sé að ræða.
Skilnaðarsamningur: Heimilt er að skrá eigendaskipti yfir á annað hjóna eftir skilnaðarsamningi þeirra sem staðfestur hefur verið af sýslumanni.
Yfirlýsing sýslumanns: Heimilt er að skrá eigendaskipti yfir á annað hjóna eftir yfirlýsingu sýslumanns er staðfestir að viðkomandi aðili skuli skráður eigandi að ökutækinu vegna hjónaskilnaðs.
Skiptastjóri: Ef skiptastjóri annast skipti bús hjóna eftir skilnað getur hann undirritað tilkynningu um eigendaskipti milli hjóna eða yfirlýsingu um eigendaskipti. Skiptastjóri skal framvísa skipunarbréfi sínu (endurriti úrskurðar héraðsdóms).
Tryggingafélag: Tilgreina skal tryggingafélag við eigendaskipti samkvæmt framansögðu.
Eigendaskiptagjald: [Ekkert gjald er tekið fyrir skráningu eigendaskipta milli hjóna í framhaldi af skilnaði þeirra.]2
Gölluð eigendaskipti: Ef ekki er unnt að skrá eigendaskipti samkvæmt framansögðu skal skrá þau sem gölluð eigendaskipti og málsaðilum sent bréf þar sem greint er frá ástæðu þess að ekki er unnt að skrá eigendaskiptin.
1) 13.02.2003
2) 06.02.2013
