2.6.5 Gjaldþrot og nauðungarsala

Útg.nr: 1           Útg.dags: 13.02.2003

Gjaldþrot: Við sölu á ökutækjum þrotabús undirritar skiptastjóri eigendaskiptatilkynningu fyrir hönd búsins. Tilkynningu skal fylgja skipunarbréf skiptastjóra (endurrit úrskurðar héraðsdóms). Upplýsingar um skiptastjóra fást hjá héraðsdómi í því umdæmi sem viðkomandi er búsettur í.

Nauðungarsala: Heimilt er að færa eigendaskipti vegna nauðungarsölu eftir lista frá sýslumönnum. Ef í ljós kemur við innfærslu eigendaskipta að annar eigandi er skráður í ökutækjaskrá en sá sem er talinn eigandi samkvæmt listanum skal hafa samband við sýslumann og ganga úr skugga um að fastanúmer sé rétt tilgreint á lista. Ef fastanúmer er sannarlega rétt á lista skal skrá eigendaskipti þrátt fyrir framangreint misræmi. Ef ökutæki ber breytingalás í ökutækjaskrá skal aflétta lásnum og skrá eigendaskiptin. Tilkynna skal umsjónaraðila breytingalása um ástæðu þess að breytingalás hefur verið aflétt.


Var efnið hjálplegt? Nei