2.6.7 Erlendir ríkisborgarar

Útg.nr: 01           Útg.dags: 13.02.2003

Kennitala hjá Hagstofu: Útlendingar sem staddir eru hér á landi og vilja eignast ökutæki skulu fá íslenska kennitölu hjá Hagstofu Íslands sem skráir þá í utangarðsskrá Hagstofunnar. Sérreglur gilda þó um varnarliðsmenn.

Eigendaskiptatilkynning: Þegar ofangreind skilyrði eru uppfyllt skal framvísa hefðbundinni eigendaskiptatilkynningu.

Skráning í nafnaskrá: Skrá verður útlending í nafnaskrá ökutækjaskrár fyrir skráningu eigendaskipta en útlendingurinn skal vera skráður í utangarðsskrá Hagstofunnar svo hægt sé að skrá hann í ökutækjaskrá.

Heimilisfang: Ef útlendingur hefur skráð heimilisfang í utangarðsskrá er hægt að sækja hann beint yfir í nafnaskrá ökutækjaskrár en ef hann hefur ekki heimilisfang í utangarðsskránni verður að skrá hann sérstaklega í nafnaskrá ökutækjaskrár. Í þeim tilvikum skal skrá nafn, kennitölu og heimilisfang sem tilgreint er á eigendaskiptatilkynningu. Ef ekkert heimilisfang er skráð á tilkynninguna skal skrá heimilisfang þess umboðsaðila útlendings í utangarðsskránni. Ef engar upplýsingar liggja fyrir um heimilisfang skal hafna skráningu eigendaskipta.

Skráning eigendaskipta: Að lokinni skráningu útlendings í utangarðsskrá eru eigendaskipti skráð með hefðbundnum hætti.