3.10.8 Utanvegamerki

Útg.nr: 03           Útg.dags: 09.06.2015

Utanvegamerki: Námubifreið, beltabifreið og sérbyggð rallbifreið skulu bera utanvegamerki. Rallbifreið skal þó aðeins bera utanvegamerki ef hún hefur verið undanþegin vörugjaldi en annars skal hún bera almenn skráningarmerki.

Námubifreið: Námubifreið er bifreið sem er hönnuð stærri en hámarksgildi í reglum um stærð og þyngd ökutækja segja til um og er einkum ætluð til efnisflutninga utan vega eða innan afmarkaðra vinnusvæða. Námubifreið má ekki bera einkamerki. Sótt er um skráningu á námubifreið á eyðublaði ( US.115 ).

Beltabifreið: Vélknúið ökutæki sem aðallega er ætlað til fólks- eða vöruflutninga og/eða til að draga annað ökutæki. Það er búið beltum og eftir atvikum stýrimeiðum/stýrihjólum og er 400 kg eða meira að eigin þyngd.

Sérbyggð rallbifreið: Ökutæki sem ætlað er til rallkeppni og getur verið sérbyggt og hannað sterkbyggðara en sambærilegt ökutæki. Það hefur aukabúnað sem almennt er ekki notaður í eða á bifreiðir í almennri notkun.

Flugvallarrúta eða flugvallarökutæki: Hópbifreið sem hönnuð er stærri en hámarksgildi í reglum um stærð og þyngd ökutækis segir til um og ætluð er til fólksflutninga milli flugvélar og flugstöðvar innan afmarkaðs flugvallarsvæðis. Einnig flugvallarökutæki sem notuð eru innan afmarkaðs flugvallarsvæðis.