Réttindi flugfarþega í verkföllum

Áhrif verkfalls á flugumferð veldur því að margir flugfarþegar komast ekki til áfangastaðar síns á réttum tíma eða jafnvel alls ekki. Um réttindi flugfarþega er fjallað um í reglugerð (EB) nr. 261/2004, sem innleidd var í íslenskan rétt með reglugerð nr. 1048/2012.

Staðan sem farþegi lendir í er annaðhvort sú að flugi hans er aflýst eða því seinkar vegna verkfalls en um þetta er fjallað í 5. og 6. gr. reglugerðarinnar.  Um réttindi farþega í þessum tilvikum er nánar mælt fyrir um í 8. og 9. gr. reglugerðarinnar:

Í 8. gr. segir að í þessum tilvikum eigi  farþegi  rétt  á að velja um endurgreiðslu eða fá breytingu á flugleið. Farþegi á þannig alltaf rétt á endurgreiðslu á fullu miðaverði við aflýsingu flugs.
Í 9. gr. er tilgreind sú þjónustu sem farþegi á rétt á í þessum tilvikum en hún er eftirfarandi.  

  • Farþegum skal boðið eftirfarandi endurgjaldslaust:
    a) máltíðir og hressing í samræmi við lengd tafarinnar,
    b) hótelgisting,
    — ef farþegi neyðist til að bíða eina eða fleiri nætur eftir fari,
    eða
    — ef farþegi neyðist til að bíða lengur en hann gerði ráð fyrir,
    c) flutning á milli flugvallar og gistiaðstöðu (hótel eða annað).
  • Þar að auki skal farþegum boðið að hringja tvö símtöl eða senda skilaboð um fjarrita eða bréfsíma eða með tölvupósti þeim að kostnaðarlausu.
  • Við beitingu þessarar greinar skal flugrekandinn huga sérstaklega að þörfum hreyfihamlaðra og fylgdarmanna þeirra og einnig að þörfum fylgdarlausra barna.
  • Þegar flugi er aflýst eða því er seinkað þá ber flugrekanda eða flytjanda að afhenda farþegum skriflegar upplýsingar um réttindi þeirra skv. reglugerð nr. 261/2004.
  • Í þeim tilfellum þar sem farþegar þurfa að greiða kostnað  vegna þeirra atriða sem talin eru upp hér að ofan, þurfa þeir að geyma kvittanir og sækja svo um endurgreiðslu frá viðkomandi flugrekanda.

Réttindi og skyldur eiga við jafnvel þó flugi sé seinkað eða aflýst vegna verkfalls.

Þegar um verkfall er að ræða falla réttindi um skaðabætur niður í sumum tilfellum, alltaf þegar um verkfall þriðja aðila er að ræða, þ.e. ekki starfsmanna flugrekanda.  En þegar um verkfall starfsmanna flugrekanda er að ræða, sem boðað er með góðum fyrirvara þá flokkast það almennt ekki undir óviðráðanlegar aðstæður.  Skyndiverkföll flokkast þó undir óviðráðanlegar aðstæður.


Var efnið hjálplegt? Nei