Flugvellir á Íslandi

Íslenskir alþjóðaflugvellir eru vottaðir samkvæmt Reglugerð 75/2016 og aðrir flugvellir samkvæmt Reglugerð 464/2007.

Hér má finna lista yfir áætlunarflugvelli á Íslandi

Samkvæmt reglugerðunum ber rekstraraðilum flugvalla að sækja um starfsleyfi fyrir rekstrinum. Starfsleyfi eru tvenns konar; vottorð og staðfest skráning. 

Flokkun flugvalla

Alþjóðaflugvellir á Íslandi eru vottaðir skv. reglugerð 75/2016. Aðrir flokkar flugvalla hér á landi eru skráningarskyldir, þjóna flugi innanlands og uppfylla almennt ekki að fullu kröfur sem gerðar eru til alþjóðaflugvalla.

  • Flugvellir (alþjóðaflugvellir) vottaðir samkvæmt reglugerð 75/2016 

    • Akureyrarflugvöllur
    • Egilsstaðaflugvöllur
    • Keflavíkurflugvöllur
    • Reykjavíkurflugvöllur

  • Flugvöllur II

    • Enginn flugvöllur í flokki II er nú skráður hérlendis

  • Skráður lendingarstaður

    • Á sjötta tug skráðra lendingarstaða, sjá nánar í Flugmálahandbók AIP-Ísland.

  • Þyrluvöllur
    Enginn þyrluvöllur er nú skráður á Íslandi

Lendingar- og flugtakssvæði utan flugvalla með starfsleyfi

Slík svæði eru óvottuð með öllu frá hendi Samgöngustofu og eru lendingar utan vottaðra flugvalla algerlega á ábyrgð viðkomandi flugstjóra. 

Athygli er vakin á að ef lendingar- og flugtakssvæði er farið að líta út sem flugvöllur er samkvæmt reglugerðinni skylt að skrá svæðið sem flugvöll. 

Þessi skylda til skráningar er skv. gr. 5 sem hljóðar svo: „Óheimilt er að reka skráningarskyldan flugvöll, án þess að staðfest skráning sé í gildi“.

Vottun flugvalla á Íslandi hófst árið 2004 en þá var reglugerð um flugvelli fyrst gefin út hérlendis. Nú eru alþjóðaflugvellir vottaðir samkvæmt reglugerðum Flugöryggisstofnunar Evrópusambandsins (EASA). Reglugerðir um flugvelli endurspegla að mestu Viðauka 14, Hluta I við Chicago-samninginn hvað varðar flugvelli sem vottaðir eru skv. reglugerð 75/2016. Reglugerð 464/2007 fjallar aðallega um flugvelli í flokki II og í flokki skráðra lendingarstaða.

Skipulagsreglur flugvalla

Samþykktar skipulagsreglur flugvalla á Íslandi:


Var efnið hjálplegt? Já Nei