Bókleg próf

Hér að neðan er að finna ýmsar hagnýtar upplýsingar tengdar bóklegum einkaflugmannsprófum (PPL) og atvinnuflugmannsprófum (ATPL)

Þær kröfur sem gerðar eru um bókleg próf vegna útgáfu skírteina er að finna í reglugerð nr.  180/2014.

Bókleg próf eru haldin í húsnæði Samgöngustofu, Ármúla 2, 108 Reykjavík.

Næstu bóklegu próf

Einkaflugmannspróf (PPL): 

  • 18. og 23. júní

Atvinnuflugmannspróf (ATPL): 

  • 18., 19., 22., 23., 24., 25. og 26. júní

Nánari upplýsingar um næstu próf má finna hér.

Bóklegum prófum 25.-29. maí 2020 aflýst:

Ástæður þess má rekja til takmarkana á samkomum vegna COVID-19 faraldursins. Samhliða hefur áætluð prófseta í júní verið lengd og nemendum sem eru að renna út á tíma gefinn aukinn frestur:

Nemendum sem renna út á 18 mánaða tíma fyrir próftöku á tímabilinu 01. apríl til 30. nóvember 2020 hefur verið gefinn aukinn frestur til að ljúka öllum sínum prófum. Próftökutímabilið, sem er vanalega 18 mánuðir talið frá lok þess mánaðar sem próftaki þreytir sitt fyrsta próf (FCL.025(b)(2)), framlengist hjá þeim nemendum til 30. nóvember 2020.

Próftökum í bóklegum prófum Samgöngustofu er bent á upplýsingasíðu um innleiðingu á nýrri ATPL námskrá.

Skráning og greiðslur

Nánari upplýsingar um næstu próf, próftöflur og skráningartímabil má finna hér.

Hlekk á skráningarsíðu má finna hér

Verð fyrir hvert próf: PPL 3.840 kr. / ATPL 5.430 kr.

Prófgjöld fást ekki endurgreidd eftir að skráningarfrestur í próf er liðinn.

Nemendur í erlendum flugskólum sem vilja sækja um bókleg próf hjá Samgöngustofu þurfa að senda inn sér umsókn með góðum fyrirvara áður en próftaka er heimiluð. Frekari upplýsingar má finna hér.

Próftaki verður að hafa lokið skólaprófi með fullnægjandi árangri (75%) áður en hann skráir sig til prófs hjá Samgöngustofu.  

Áætlun um bókleg próf 2020

Komin er út áætlun bóklegra prófa fyrir árið 2020.

Athugið að áætlunin hér að neðan er birt með fyrirvara um breytingar. Allar breytingar verða auglýstar með góðum fyrirvara á vef Samgöngustofu. Nýjar dagsetningar eru feitletraðar.

Einkaflugmannspróf (PPL) hjá Samgöngustofu - áætlun 2020

  • 14. og 16. janúar
  • 26. og 28. maí                                                    PRÓFUM AFLÝST
  • 18. og 23. júní
  • 11. og 13. ágúst
  • 06. og 08. október
  • 01. og 03. desember

Atvinnuflugmannspróf (ATPL) hjá Samgöngustofu - áætlun 2020

  • 08., 09., 10., 13., 14., 15. og 16. janúar
  • 17., 18., 19. og 20. febrúar
  • 25., 26., 27., 28. og 29. maí                           PRÓFUM AFLÝST
  • 18., 19., 22., 23., 24., 25. og 26. júní
  • 10., 11., 12., 13. og 14. ágúst
  • 05., 06., 07., 08. og 09. október
  • 30. nóvember, 01., 02. og 03. desember

Leiðbeiningar fyrir bókleg flugpróf

Leiðbeiningar fyrir rafrænt bókunar- og greiðslukerfi má finna hér

Leiðbeiningar fyrir bókleg flugpróf Samgöngustofu má finna hér

Leiðbeiningar vegna notkunar á heftum í ATPL-prófum má finna hér

Próftökum ber að kynna sér og fari eftir prófreglum. Þær má finna hér

Veikindi/önnur forföll í prófum

Próftakar mega tilkynna veikindi eða önnur forföll með því að senda tölvupóst á: prof@icetra.is

Ekki er farið fram á að próftakar tilkynni veikindi eða skili inn læknisvottorði. 

Prófgjöld fást ekki endurgreidd eftir að skráningarfrestur í próf er liðinn.

Fylgigögn í próf

Próftakar mega koma með eftirfarandi fylgigögn í próf:

Almennt

  • Skriffæri

  • Óforritanleg reiknivél

  • Flugreiknistokkur (mekkanískur/óforritanlegur)

  • Gráðubogi (plotter)

  • Áttaviti og sirkill

  • Reglustika

ATPL

  • Mass and Balance: CAP 696

  • Performance: CAP: 698

  • Flight Planning & Monitoring: Jeppesen General Student Pilot Route Manual (GSPRM 2017) og CAP 697

  • General Navigation: Jeppesen General Student Pilot Route Manual (GSPRM 2017)

PPL

  • Sjónflugskort í 070-Flight performance & planning og 090-Navigation.

Öll önnur gögn eru óheimil og túlkast sem brot á prófreglum.

Verði próftaki uppvís um svindl varðar það ógildingu á öllum einkunnum hans hjá Samgöngustofu og 12 mánaða próftökubann í öllum aðildarríkjum EASA.

Fylgigögn sem próftaki kemur með í próf mega ekki innihalda lausnir eða yfir/undirstrikanir á gröfum, kortum eða nokkurs konar glósur. Skyndiskoðanir verða framkvæmdar af yfirsetumönnum og gögn sem brjóta þessar reglur gerð upptæk.

Tungumál

Hægt er að taka einkaflugmannspróf (PPL) á íslensku eða ensku. Próftaki velur tungumál áður en próftaka hefst.

Aðeins er í boði að taka atvinnuflugmannspróf (ATPL) á ensku.

Tímafrestir og önnur skilyrði vegna bóklegra prófa

  • Próftaka ber að ljúka öllum prófum með lágmarksárangri 75% innan 18 mánaða (talið frá enda þess mánaðar sem hann þreytti sitt fyrsta próf)
  • Próftaki fær að hámarki 4 tilraunir í hverju próffagi
  • Próftaki fær að hámarki 6 prófsetur (sittings) til þess að ljúka öllum prófum (ATH. gildir ekki um bókleg LAPL, PPL eða BPL próf)
  • Útskrift úr bóklegum ATPL prófum Samgöngustofu gildir til útgáfu CPL / IR skírteinis í 36 mánuði, frá og með þeim degi sem próftaki lýkur öllum bóklegum prófum.
  • Útskrift úr bóklegum PPL prófum gildir til útgáfu PPL skírteinis í 24 mánuði, frá og með þeim degi sem próftaki lýkur öllum bóklegum prófum.


Einkunnir berast próftaka í tölvupósti eigi síðar en viku eftir síðasta próf í próftörn.


Var efnið hjálplegt? Nei