Kröfur um aldur og heilbrigði

Flugmenn og flugumferðarstjórar þurfa að uppfylla ákveðin skilyrði er snerta aldur og heilbrigði

Aldurstakmarkanir

Um flugmenn gildir eftirfarandi:

Flugmaður sem er orðinn sextugur má ekki starfa sem flugmaður í flutningaflugi nema:

  • Í fjölstjórnaráhöfn (fram að 65 ára)

  • Flugmaður sem hefur ná 65 ára aldri má ekki starfa sem flugmaður í flutningaflugi. 

Heilbrigðiskröfur

Öllum handhöfum flugliðaskírteina er skylt að vera handhafar sérstaks Part-MED heilbrigðisvottorðs. Að lokinni fullnægjandi heilbrigðisskoðun hjá fluglækni, sem fer fram í samræmi við kröfur Part-MED, gefur fluglæknir út 1. eða 2. flokks heilbrigðisvottorð. Gildistími 1. og 2. flokks heilbrigðisvottorða er mismunandi.

Handhafar flugumferðarstjóraskírteina þurfa 3. flokks vottorð samkvæmt reglugerð um skírteini flugumferðarstjóra.

Fyrsta flokks Part-MED heilbrigðisvottorð:

  • Á við um atvinnuflugmannsskírteini og flugvélstjórnarskírteini.

  • Gildir í 12 mánuði fyrir atvinnuflugmenn í einstjórnarloftförum þar til þeir ná 40 ára aldri, en eftir það gildir vottorð í 6 mánuði.

  • Gildir í 12 mánuði fyrir atvinnuflugmenn í fjölstjórnarloftförum þar til þeir ná 60 ára aldri, en eftir það gildir vottorð í 6 mánuði.

  • Gildir í 12 mánuði fyrir  flugvélstjóra.  

Annars flokks Part-MED heilbrigðisvottorð:

  • Á við um flugnema, einkaflugmenn og svifflugmenn. 

  • Gildir í 60 mánuði til 40 ára aldurs, í 24 mánuði til 50 ára aldurs og í 12 mánuði eftir það.

LAPL heilbrigðisvottorð:

  • Á við um handhafa LAPL skírteinis.
  • Gildir í 60 mánuði til 40 ára aldurs og í 24 mánuði eftir það.

Um fisflugmenn gildir grein 1.2.5.2.3.1 við reglugerð um skírteini gefin út af Flugmálastjórn Íslands nr. 400/2008.


Þriðja flokks Part-ATCO.MED heilbrigðisvottorð

  • Á við um flugumferðarstjóra.

  • Gildir í 24 mánuði til fertugs og í 12 mánuði eftir það.

Flugvéltæknar og flugumsjónarmenn þurfa ekki heilbrigðisvottorð.


Var efnið hjálplegt? Nei