Atvinnuskírteini STCW-F
Fiskiskip, varðskip og önnur skip
STCW-F skírteini eru atvinnuskírteini fyrir sjómenn sem starfa á fiskiskipum, varðskipum og öðrum skipum sem ekki flokkast sem flutninga- eða farþegaskip.
STCW-F atvinnuskírteini eru gefin út samkvæmt reglugerð nr. 944/2020 um skipstjórnar- og vélstjórnarréttindi á fiskiskipum, varðskipum og öðrum skipum.
Umsókn og fylgigögn
Rafræn umsókn um STCW-F skírteini
Eftirtalin gögn þurfa að fylgja umsókn áður en hún er tekin til afgreiðslu:
-
Læknisvottorð um sjón, heyrn og heilbrigði sjómanna (ekki eldra en 6 mánaða).
-
Nýleg passamynd (35x45mm/600 px) - stafræn eða á ljósmyndapappír.
Rithandasýnishorn
-
Staðfesting á greiðslu skírteinis.
-
Skjöl um tilskilinn siglingatíma (ef siglingatími er erlendis, þá með sjóferðabók eða vottorði útgerðar).
-
Afrit af prófskírteini frá skóla (frumútgáfa)
-
Afrit af áður útgefnu atvinnuskírteini (endurnýjun)
Gögnin skal senda rafrænt sem fylgiskjöl með umsókninni. Einnig er hægt að senda gögn á netfangið sigling@samgongustofa.is eða í pósti merkt Samgöngustofa, Ármúli 2, 108 Reykjavík.
Afgreiðsla
Samgöngustofa miðar við að afgreiða skírteini innan 12 virkra daga frá því öll gögn og greiðsla hafa borist. Umsækjendur geta óskað eftir því að fá skírteinið póstsent eða sótt það á skrifstofu Samgöngustofu.
Greiðsla
Gjald fyrir umsókn um útgáfu og/eða endurnýjun atvinnuskírteina fyrir fiskiskip, varðskip og önnur skip (STCW-F) fer eftir gjaldskrá Samgöngustofu og er kr. 9.579-. Gjaldið greiðist inná reikning nr. 515-26-210777 í Íslandsbanka. Reikningseigandi er Samgöngustofa kt: 540513-1040. Greiðslukvittun skal senda á sigling@samgongustofa.is.
