Miðvikudaginn 6. október var haldinn Forvarnardagur fyrir nemendur og starfsfólk Menntaskólans að Laugarvatni. Sérstök áhersla var lögð á forvarnir í þágu umferðaröryggis en nemendur skólans eru 150 talsins á aldrinum 15 - 18 ára. 

Nú geta stórnotendur (t.d. bílasölur, fjármögnunarfyrirtæki og bílaleigur) beintengst Samgöngustofu í gegnum vefþjónustu og skráð eigendaskiptin með auðveldum hætti og kaupendur og seljendur samþykkja svo söluna einnig með rafrænum hætti. Reikna má með að hlutfall rafrænna eigendaskipta muni í kjölfarið fara úr rúmum 30% í 60% þegar allir stórnotendur eru farnir að nota vefþjónustuna.

Þann 1. október n.k. verður innleitt nýtt fyrirkomulag við mat á ástandi flugbrauta við vetraraðstæður og upplýsingagjöf til flugmanna um brautarástand á íslenskum alþjóða- og áætlanaflugvöllum. Einnig verður breyting á sniðmáti og innihaldi SNOWTAM, nefnt Samhæft sniðmát (e. GRF Global Reporting Format).