Samgöngustofa vill vekja athygli þeirra sem hug hafa á að nýta sér þjónustu þeirra sem bjóða upp á flug yfir gosstöðvarnar á að aðeins flugrekendur með flugrekstarleyfi hafa heimild til þess að taka gjald fyrir flug með farþega, t.d. útsýnisflug yfir eldstöðvarnar á Reykjanesi.

Nú þegar eldgos er hafið að nýju á Reykjanesi vill Samgöngustofa, að gefnu tilefni, árétta reglur sem gilda um drónaflug. Þær eru settar til að tryggja öryggi, t.d. aðgreiningu dróna og annarra loftfara.