Mikil ásókn er í að skoða eldgosið á Reykjanes úr lofti. Í öryggisskyni hefur tímabundið verið sett hámark á fjölda loftfara sem er hverju sinni innan BIR2 (Vestursvæðis). Hámarkið miðast við bestu sjónflugsskilyrði og er 8 loftför. 

Gildistöku reglugerðar um för yfir landamæri sem taka átti gildi 26. mars hefur verið frestað til 6. apríl nk. Ákvörðun um frestun er til þess að svigrúm gefist til að rýna framkvæmd á viðtöku vottorða svo hún gangi snurðulaust fyrir sig og verði í samræmi við ítrustu varúðarráðstafanir. 

Samgöngustofa vekur athygli flugverja á því að Flugöryggisstofnun Evrópur hefur gefið út öryggistilmæli varðandi Covid19 bólusetningar flugmanna og öryggis- og þjónustuliða. 

Vegna breyttra reglna í tengslum við COVID-19 faraldurinn verður almenn afgreiðsla Samgöngustofu í Ármúla lokuð frá og með fimmtudeginum 25. mars 2021. 

Hertar reglur um sóttvarnarráðstafanir á landsvísu taka gildi á miðnætti 24. mars 2021 og munu gilda í 3 vikur. Tíu manna fjöldatakmörkun verður meginregla og aðeins börn fædd 2015 og síðar verða þar undanskilin. Margvísleg starfsemi sem rúmast ekki innan reglu um 10 manna fjöldatakmörkun verður stöðvuð og fram hefur komið að ökunám og flugnám með kennara er óheimilt. 

Sóttvarnaráðstafanir á landamærum hertar frá 1. apríl vegna COVID-19 Heilbrigðisráðherra hefur ákveðið að herða sóttvarnaráðstafanir á landamærum í samræmi við tillögur sóttvarnalæknis.

Vegna flugs við eldstöð er minnt á að lágmarkshæð í sjónflugi er 500 fet yfir jörðu í dreifbýli. Þyrluflugmenn velji lendingarstað með tilliti til getu loftfars og aðstæðna.

Að gefnu tilefni vill Samgöngustofa árétta reglur sem gilda um drónaflug. Þær eru settar til að tryggja öryggi, t.d. aðgreiningu dróna og annarra loftfara.

Vegna eldgoss á Reykjanesi verður þörf á tíðu rannsóknaflugi á vegum Almannavarna við eldstöðina. Flugið er í þágu almannavarna og vísinda og mun njóta forgangs framyfir annað flug. 

Heilbrigðisráðherra hefur ákveðið, í samræmi við tillögur sóttvarnalæknis, að vottorð um bólusetningu gegn COVID-19 og vottorð um fyrri covid sýkingu verði tekin gild á landamærum Íslands, hvort sem þau eru upprunnin innan EES svæðisins eða utan þess, að því tilskyldu að þau uppfylli sömu kröfur og leiðbeiningar sóttvarnalæknis.

Alþjóðaflugmálastofnunin (ICAO) hefur útnefnt árið 2021 sem alþjóðlegt ár verndarmenningar. Verndarmenning er til þess fallin að auka velgengni fyrirtækja í flugi og byggir m.a. á viðhorfum og vinnulagi. 

Vegna mögulegra eldsumbrota á Reykjanesi má gera ráð fyrir miklum áhuga á drónaflugi, sem og öðru flugi á svæðinu. Samgöngustofa vekur athygli á gagnlegum upplýsingum um drónaflug og reglum sem m.a. er ætlað að tryggja aðgreiningu dróna og annarra loftfara

Þegar eldgos hefst á Íslandi er farið eftir fyrirfram ákveðnum viðbragðsáætlunum og verklagi. Ef til eldgoss á Reykjanesi kemur fer ákveðin atburðarrás af stað hjá þeim stofnunum sem gegna lykilhlutverki.