Ríkislögreglustjóri hefur ákveðið að setja á tímabundið bann við flugi dróna/fjarstýrðra loftfara á tilteknu svæði. Af þeim sökum verður óheimilt að fljúga dróna (fjarstýrðu loftfari) innan 500 metra radíus frá Hörpunni, tónlistar- og ráðstefnuhúsi sem er við austurbakka Reykjavíkurhafnar, Grand Hótel Reykjavík – Sigtúni 28 og Hilton Nordica Hótel – Suðurlandsbraut 2, Reykjavík.

Samgöngustofa auglýsir þrjú sumarstörf námsmanna, það er átaksverkefni Vinnumálstofnunar og félagsmálaráðuneytisins.

Skilgreining viðmiða sem ákvarða hvort lönd eða svæði teljast til hááhættusvæða hafa verið endurskoðuð. Til viðbótar viðmiðum um nýgengi smita verður bætt við skilyrði um hlutfall jákvæðra sýna sem hefur áhrif á hvort svæði eða land telst hááhættusvæði eða ekki. 

Hér má sjá auglýsingu frá heilbrigðisráðuneytinu um svæði og lönd sem talin eru sérstök hááhættusvæði vegna COVID-19. Um er að ræða lönd eða svæði þar sem 14 daga nýgengi er 500–699 á hverja 100.000 íbúa, nýgengi er undir 500 á hverja 100.000 íbúa og hlutfall jákvæðra sýna 5% eða meira, eða fullnægjandi upplýsingar um svæðið eða landið liggja ekki fyrir.