Flugnám og kennsla – hertar aðgerðir vegna COVID-19

8.10.2020

Reglugerð heilbrigðisráðherra um takmarkörkun á samkomum og hertar aðgerðir á höfuðborgarsvæðinu tók gildi 7. október. Ýmis starfsemi sem krefst snertingar eða hætta er á snertingu á milli fólks eða mikilli nálægð, eða þar sem notkun á sameiginlegum búnaði getur haft smithættu í för með sér er nú óheimil. Það er mat heilbrigðisráðuneytis að verkleg flugkennsla falli undir lið h. reglugerðar um (1.) breytingu á reglugerð nr. 957/2020 og skuli því leggja verklega flugkennslu niður til 19. október nk. á höfuðborgarsvæðinu.

Flugkennsla á höfuðborgarsvæðinu (Reykjavíkurborg, Seltjarnarnesbær, Mosfellsbær, Kjósarhreppur, Hafnarfjarðarkaupstaður, Garðabær og Kópavogsbær)

  • Varðandi bóklega flugkennslu á höfuðborgarsvæðinu skal virða 2 metra nálægðarmörk og er hámarksfjöldi í rými 20 manns. Fara skal í öllu eftir fyrirmælum sóttvarnalæknis um smitgát. Ef ekki er hægt að tryggja það þá skal starfsemi hætt til 19. október nk. (sjá lið b. og lið e. lið reglugerðar um (1.) breytingu á reglugerð nr. 957/2020 ).
  • Varðandi verklega flugkennslu á höfuðborgarsvæðinu er það mat heilbrigðisráðuneytis að hún falli undir lið h. reglugerðar um (1.) breytingu á reglugerð nr. 957/2020 og skuli því leggja verklega flugkennslu niður til 19. október nk.
  • Virða skal tilmæli frá ríkislögreglustjóra, ekki ferðast til og frá höfuðborgarsvæði nema að nauðsyn krefur.

Flugkennsla utan höfuðborgarsvæðis:
  • Varðandi bóklega flugkennslu utan höfuðborgarsvæðis þá skal virða 1 metra nálægðarmörk og er hámarksfjöldi í rými 20 manns. Fara skal í öllu eftir fyrirmælum sóttvarnalæknis um smitgát.
  • Leyfilegt er að sinna verklegri flugkennslu. Ef ekki er hægt að tryggja 1 metra nálægðarmörk skulu allir í rýminu nota hlífðargrímu sem hylur nef og munn. Rými skal þrifið og sótthreinsað eftir kennslu skv. leiðbeiningum sóttvarnalæknis. Samanber gildandi reglugerð nr.957/2020 um takmörkun á samkomum vegna farsóttar.

Við bendum á leiðbeiningar frá Embætti landlæknis:
Grímur og einnota hanskar 
Sýkingavarnir og þrif