Fræðslufundur í tilefni 100 ára afmælis flugs á Íslandi
Laugardaginn 6. apríl hélt Samgöngustofa fræðslu- og öryggisfund í samstarfi við Flugmálafélag Ísland. Á fundinum, sem var einkar vel heppnaður, var sérstök áhersla lögð á þróun öryggismála í almannaflugi.
Mörg fróðleg erindi komu fram um stöðu og þróun almannaflugs, flugöryggi, nám og réttindi, atvikaskráningu og tölfræði. Sérstakur gestur á fundinum var Thomas Hytten frá Luftfartstyrelsin í Noregi sem sagði frá almannaflugi þar í landi og á Norðurlöndunum. Fundarstjóri var Friðbjörn Orri Ketilsson, varaforseti Flugmálafélags Íslands.
Hér má nálgast dagskrá fundarins.
Fundinum var streymt á netinu og má finna upptökur hér:
Fyrri hluti
Seinni hluti
Myndir frá fundinum:
Góð mæting var á laugardaginn
Halla Sigrún Sigurðardóttir, framkvæmdastjóri Samhæfingarsviðs Samgöngustofu, setti fundinn.
Ragnhildur Hjaltadóttir ráðuneytisstjóri í samgöngu- og sveitastjórnarráðuneytinu flutti ávarp.
Thomas Hytten, frá Luftfartstyrelsen í Noregi, flutti erindi um stöðu og þróun almannaflugs í Noregi og á Norðurlöndunum.
Matthías Sveinbjörnsson, forseti Flugmálafélags Íslands, hélt erindi um stöðu og þróun almannaflugs á Íslandi.
Ágúst Guðmundsson frá Flugmálafélagi Íslands hélt erindi um flugöryggi í almannaflugi á Íslandi
Egill Vignir Reynisson, sérfræðingur hjá Samgöngustofu, hélt erindi um atvikaskráningu og tölfræði í almannaflugi.
Guðmundur Helgason, deildarstjóri þjálfunar- og skírteinadeildar flugs hjá Samgöngustofu, hélt erindi um þróun náms og réttinda flugmanna.
Einar Magnús Magnússon, sérfræðingur í öryggis- og fræðsludeild Samgöngustofu, hélt erindi um fræðsluefni í almannaflugi.
Kári Guðbjörnsson, eftirlitsmaður í flugrekstrardeild Samgöngustofu, hélt erindi um öryggismál í almannaflugi.
Fleiri myndir frá fundinum:
Halla Sigrún Sigurðardóttir, framkvæmdastjóri samhæfingarsviðs Samgöngustofu, fór yfir það helsta sem fram kom fyrr um daginn og sleit fundinum.
