Bann við komum rússneskra skipa
Hafnarstjórum hefur verið sent upplýsingabréf um breytingu á reglugerð um þvingunaraðgerðir ESB gagnvart Rússlandi varðandi Úkraínu sem innleiddar eru hérlendis. Breytingin felur m.a. í sér bann við komum skipa skráðum í Rússlandi til íslenskra hafna. Bannið tók gildi á Íslandi sl. föstudag.
Skip sem skráð eru í Rússlandi og óheimilt er að koma til hafnar á Íslandi eru:
- Farþega- og flutningaskip yfir 500 brúttótonnum
- Skemmtiskip, skemmtibátar og lystisnekkjur
- Fiskiskip sem falla undir Marpol-samninginn
Undanþágur eru veittar skv. alþjóðasamningum vegna neyðartilvika. Einnig t.d. vegna mannúðarsjónarmiða en þá þarf að sækja um heimild sem er á forræði utanríkisráðuneytisins að veita.
Nánari upplýsingar um viðbrögð íslenskra stjórnvalda vegna innrásar Rússlands í Úkraínu má finna á vef utanríkisráðuneytisins.
