Tannhjólaaðferðin

Oft verða tafir og umferðarteppur sem auðvelt er að losa með tillitsemi og svonefndri tannhjólaaðferð

Samkvæmt umferðarlögum nr. 77/2019, 22. grein , skulu ökumenn aka þannig þar sem tvær samhliða akreinar renna saman í eina á vegi að eitt ökutæki fari í senn af hvorri akrein eftir því sem við verður komið og umferðarmerki gefa það til kynna.

Aðferðina ber t.d. að nota þar sem tvær akbrautir koma saman og mikil umferð á aðalæð kemur í veg fyrir að umferð á aðliggjandi braut kemst inn á.

Aðferðin gengur út á það að ökumenn sem eiga forgang hleypa hver einum bíl inn á brautina af aðliggjandi vegi. Með þessari einföldu leið eykst flæði umferðar margfalt.

  Tannhjólaaðferðin