Hjólreiðar

Við hjólreiðar er vert að hafa ýmis atriði í huga svo öryggi og heilsa hjólreiðafólks sé sem best tryggð

Reiðhjól eru lögum samkvæmt skilgreind sem ökutæki og því gilda í grundvallaratriðum sömu lög og reglur um akstur reiðhjóla og bíla. Þó er sú undantekning á að hjóla má á gangstéttum og gangstígum en hjólreiðamaður skal þar víkja fyrir gangandi vegfarendum og sýna þeim fulla tillitsemi. 

Hjólandi vegfarendur hafa fullan rétt á að vera á akbrautum. Ekki er þó mælt með því að hjólað sé á akbrautum með mikilli og hraðri umferð (ef annar valkostur er í boði).

Í VI. kafla umferðarlaga eru sérreglur fyrir reiðhjól, bifhjól og torfærutæki, grein 39-41. 

Hér má finna fræðslu um öryggisbúnað á reiðhjólum, hjólað á akbraut, hjólað á gangstígum og bílar og hjól.

Barn yngra en níu ára má ekki hjóla á akbraut nema undir leiðsögn og eftirliti manns sem náð hefur 15 ára aldri.

FRÆÐSLUMYNDBÖND

Hér að neðan er hægt að skoða fræðslumyndbönd Samgöngustofu um hjólreiðar.

Hliðarbil ökutækja frá hjólreiðafólki

Bílstjórar og hjólandi 

Örugg á ferðinni með Slysavarnafélaginu Landsbjörg og Samgöngustofu:
Myndband 1 – Verum klár 
Myndband 2 – Hjólað á göngustíg
Myndband 3 - Með allt á hreinu


Var efnið hjálplegt? Nei