Slysakort

Á kortinu sem nálgast má hér er hægt að finna ítarlegar upplýsingar um umferðarslys sem hafa orðið á Íslandi frá 1. janúar 2007 til og með ársins 2018

Eftirfarandi atriði geta auðveldað leit á slysakortinu.

Tegundir slysa og alvarleiki

Hægt er að velja ákveðna tegund slysa og alvarleika, þ.e. hvort um sé að ræða óhapp án meiðsla, slys með litlum meiðslum, alvarlegt slys eða banaslys.

Hitakort

Með því að velja Hitakort breytist framsetning gagnanna og birtist hitamynd ofan á punktana.  Hitamyndin sýnir "hita" á svæði eftir þéttleika þeirra punkta sem birtir eru.  Einnig vega slysin meira eftir því hversu alvarleg þau eru.  Hitasvæðin eru alltaf afstæð m.v. þéttleika annarra punkta sem birtist á skjánum hverju sinni.  Þar sem þéttleiki slysa er almennt meiri í þéttbýli en í dreifbýli þá dofnar yfir hitasvæðum í dreifbýli ef þéttbýli sést á skjánum.  Hitamyndin tekur alltaf tillit til þeirra punkta sem eru birtir á skjánum og breytist myndin því við það að valið er annað tímabil, ákveðinn alvarleiki er tekinn út eða settur inn, ákveðin tegund slyss er valin eða þysjað er inn eða út.

Bakgrunnsmynd

Sjálfgefinn bakgrunnur er svarthvítt kort en hægt er að velja bakgrunn með því að smella á < og > efst á hnappastikunni.  Hægt er að velja á milli gráskala (svarthvítt kort), korts, kortmyndar (kort og loftmynd saman) og loftmyndar án korts.

Upplýsingar um stök slys

Með því að smella á punkt birtast upplýsingar um viðeigandi slys/óhapp.  Hægt er að sjá teiknaða afstöðumynd af því hvað gerðist ásamt því að fá upplýsingar um tíma, staðsetningu, ökutæki og slasaða einstaklinga.

Gögn á töfluformi

Með því að smella á tannhjólið efst hægra megin birtast tveir hnappar.  Með því að smella á hnappinn sem er hægra megin af þeim tveimur (eins konar tígull með + við hliðina) er hægt að draga form utan um ákveðið svæði með því að smella á hvert horn svæðisins (ekki halda músahnappnum niðri á milli horna). Þá er tvísmellt á síðasta horn formsins og birtist þá tafla með upplýsingum um öll slys innan svæðisins. Þetta er mjög gagnlegt til þess að fá upplýsingar um slys í ákveðnu hverfi, sveitarfélagi eða jafnvel sýslu.Hnappur sem kallar fram möguleika á að fá slysagögn á töfluformi

Aðrar upplýsingar

Auk ofantalinna upplýsinga er hægt að sjá á kortinu færð sem uppfærð er í rauntíma, veðurupplýsingar og upplýsingar um þjónustu og afþreyingu.  Að auki er hægt að mæla vegalengdir og flatarmál svæða með vinstri hnappnum sem birtist við að smella á tannhjólið.


 


Var efnið hjálplegt? Nei