K1 Aksturshemill loft
Virkni og hemlunargeta lofthemlakerfa
Skjalið tilheyrir skoðunarhandbók ökutækja. Um lögformlega stöðu, útgáfu og ábyrgð á skjalinu vísast til formála handbókarinnar.
Í skjalinu er að finna samantekt á kröfum varðandi lofthemlakerfi, auk leiðbeininga um skoðun.
Stjórnvaldskröfur
Stjórnvaldskröfur sem skjalið byggir á er að finna í eftirfarandi lögum, reglugerðum og/eða reglum (með viðbótum eftir því sem við á):
- Umferðarlög nr. 77/2019.
- Reglugerð um gerð og búnað ökutækja nr. 822/2004.
Skoðunaratriði
Dæmingar á annmarka er að finna í skoðunaratriðahluta handbókarinnar. Samantekt skoðunaratriða sem koma fyrir í skjalinu:
| Skoðunaratriði | Skýring |
|---|---|
| 1.1.18 | Útíherslur hemla |
| 1.2.1 | Virkni aksturshemils |
| 1.2.2 | Geta aksturshemils |
Kröfur til mælitækja
Kröfum til allra skoðunartækja er lýst í skjali kröfur um aðstöðu og búnað á skoðunarstofu, þar með talið mælitækja. Við skoðun þeirra atriða sem lýst er í þessu skjali eru eftirfarandi mælitæki notuð:
- Hemlaprófari, stór (og fylgibúnaður): Fyrir bifreið og eftirvagn með lofthemlakerfi sem eru minna en 75% hlaðin við prófun.
- Hemlaprófari, lítill: Fyrir bifreið og eftirvagn með lofthemlakerfi sem eru meira en 75% hlaðin við prófun.
- Hemlaklukka: Fyrir mjög stórar eða þungar bifreiðir sem komast ekki (passa ekki) í hemlaprófara, s.s. undanþágubifreiðir.
Lýsingar á mælingum í skjalinu eru almennar (ekki leiðbeiningar fyrir einstakar gerðir mælitækja) og gengið út frá því að skoðunarstofur útbúi eigin notkunarleiðbeiningar fyrir mælitækin sem þær nota.
Hemlunarkraftar og hemlunargeta
Hemlunargeta (St8.2.4.3)
Hemlunargeta er sú hemlun sem ökutækið getur náð við heildarþyngd.
Til þess að fá rétta hemlunargetu verður að miða við þá krafta sem ökutækið getur mest gefið við fullan stýriþrýsting eða fullt ástig á hemla en ekki þá hemlunarkrafta sem nást á prófaranum.
Þegar verið er að prófa óhlaðið ökutæki nást þessir hemlunarkraftar yfirleitt aldrei. Því verður yfirleitt að beita framreiknun til að finna hemlunargetu.
Stýriþrýstingur (St8.2.4.4)
Sá loftþrýstingur sem myndast í stýrilögn þegar stigið er á hemlafetil er nefndur stýriþrýstingur. Þessi þrýstingur er skilgreindur á tvennan hátt:
- Pm er sá stýriþrýstingur sem mældur er áður en lögn fer í gegnum hleðslustýrðan hemlajöfnunarloka. Fyrir bifreið með hemlajöfnunarloka er þessi þrýstingur mældur við úttak á hemlajöfnunarloka hemlafetilsmegin en fyrir eftirvagn er þessi þrýstingur mældur við tengingu vagns og bifreiðar. Ef ekki eru lokar sem minnka eða auka stýriþrýsting fyrir eftirvagn má einnig nota þrýsting við vagntengi fyrir þær bifreiðir sem eru búnar slíku tengi.
- Px er sá stýriþrýstingur sem mældur er við hemlastrokka eða eftir að þrýstiloft hefur farið í gegnum hleðslustýrðan hemlajöfnunarloka eða aðra hemlaloka.
Þegar verið er að athuga stillingar hleðslustýrðs hemlajöfnunarloka er Pm ávallt notaður.
Þegar verið er að reikna út hemlunargetu er Px ávallt notaður.
Ójafnir hemlunarkraftar (St8.2.3.1)
Mismunur hemlunarkrafta milli hjóla á sama ási. Hlutfallslegur mismunur reiknast sem hlutfall af hemlunarkrafti þess hjóls sem gefur meiri hemlunarkraft.
- Dæmi: Við hemlaprófun mælist mestur mismunur þegar annað hjólið sýnir hemlunarkraftinn 2.000 N og hitt hjólið 1.800 N. Mismunurinn er því (2.000 N - 1.800 N) / 2.000 N = 200 N / 2.000 N = 10%.
Hemlaprófari sýnir á sérstökum mæli hver þessi mismunur er á meðan hemlapróf fer fram og endar yfirleitt á að læsa mælinum í hæsta gildinu. Stigið er jafnt og með vaxandi krafti á hemlafetilinn í prófa og má mismunurinn hvergi á hemlaferlinum fara yfir tilskilin mörk.
Hemlaprófun bifreiða
Hemlunargeta (St8.2.3.4)
Notaður er hemlaprófari. Hemlapróf er framkvæmt á eftirfarandi hátt.
1. Loftþrýstingsmælar tengdir á rétta staði til mælingar
Loftþrýsting skal mæla eins nálægt hemlastrokki og mögulegt er, Px. Minnkunarlokar (eins og t.d. hleðslustýrður hemlajöfnunarloki) skulu ekki vera á milli þess staðar sem mælt er á og hemlastrokks þess áss sem prófa skal. Reiknað er með að hemlajöfnunarlokinn virki rétt (hægt er að prófa hann sér, sjá kaflann um hleðslustýrðan hemlajöfnunarloka) og minnki ekki loftþrýsting við heildarþyngd ökutækis (Hþ).
Loftþrýsting má mæla lengra frá hemlastrokki (t.d. við tengingu eftirvagns) ef hemlajöfnunarloki er látinn gefa fullan þrýsting í gegn með því t.d að festa hann í þeirri stöðu sem gefur fullan þrýsting eða setja loftþrýsting inn á hann þar sem inntakið er frá loftfjörðum þegar um slíka fjöðrun er að ræða.
2. Hemlapróf framkvæmt
Hemlapróf framkvæmt og hemlunarkraftar og tilsvarandi loftþrýstingur mældur og skráður rétt áður en hjól læsast á hverjum ás fyrir sig.
Leitast skal við að ná eins háum loftþrýstingi og mögulegt er. Hættuna á að skemma hjólbarða skal þó hafa í huga og lágmarka þann tíma sem háir hemlunarkraftar eru látnir verka.
Ef fram kemur of mikill mismunur á milli hjóla við framkvæmd hemlaprófs (þannig að dæmt er á ójafna hemlunarkrafta) skal hætta við að prófa hemlunargetu en prófa aðra þá þætti sem athugaðir eru með hemlaprófara. Framkvæmd athugunar á hemlagetu fer þá fram við endurskoðun ökutækis.
3. Útreikningur hámarks hemlunarkrafta hvers áss
Útreikningur hámarks hemlunarkrafta fyrir hvern ás á eftirfarandi hátt:
Fmax = Fmælt x (Pviðm - 0,4 bör) / (Px - 0,4 bör)
þar sem:
- Fmax er reiknaður hámarks hemlunarkraftur ássins sem um ræðir.
- Fmælt er mældur hemlunarkraftur ássins í hemlaprófaranum.
- Px er mældur þrýstingur viðkomandi áss þegar hemlakröftum (Fmælt) er náð.
- 0,4 bör er skilgreindur aðfærsluþrýstingur hemlakerfis.
- Pviðm er sá viðmiðunarþrýstingur sem framleiðandi ökutækisins ábyrgist að sé ávallt til staðar, sjá sértækar upplýsingar um viðmiðunarþrýsting ýmissa bifreiða. Á eftirvögnum er notaður þrýstingurinn 7,5 bör (eftirvagnar skráðir fyrir 01.03.1994) og 6,5 bör (á eftirvögnum skráðum eftir 01.03.1994).
4. Útreikningur á hemlunargetu ökutækis
Samlagning reiknaðra hámarks hemlunarkrafta er borin saman við heildarþyngd eða, ef um er að ræða festivagn, burðargetu ása, á eftirfarandi hátt:
Zreikn = (Fmax1 + Fmax2 + ...) / Hþ
þar sem:
- Zreikn er hemlunargeta ökutækisins (reiknuð hámarks hemlun miðað við heildarþyngd).
- Fmax1, Fmax2... eru samanlagðir reiknaðir hámarks hemlunarkraftar allra ása (ás 1, 2, 3 o.s.frv.) úr lið 3 hér að ofan.
- Hþ er heildarþyngd ökutækis eða burðargeta ása á festivagni.
SI-einingar eru notaðar í útreikningunum sem þýðir að kraftar eru mældir í Newton [N] (daN eða kN), þyngd í kílóum [kg] og hemlun því í m/s2.
ATH! Annar valkostur til að meta hemlunargetu
Ef þeir hemlunarkraftar sem fást á hemlaprófara við hemlapróf eru nægilega háir til að sýna að hemlunargetan er nægilega mikil fyrir heildarþyngd ökutækisins er ekki þörf á að mæla loftþrýstinginn og framreikna út frá honum. Slíkt getur átt við um ökutæki þar sem lítill munur er á eiginþyngd og heildarþyngd eða ökutækjum sem koma lestuð til skoðunar (og skal almennt miðað við að sé ökutæki meira en 75% hlaðið þurfi ekki að framreikna).
Hemlaprófun eftirvagna bifreiða
Sömu aðferðum er beitt og við hemlapróf bifreiðar, sjá fyrri kafla.
Hleðslustýrður hemlajöfnunarloki
(St8.1.3.19)
Festur og armar eru athugaðir til að ganga úr skugga um að loki hafi möguleika á að stýra þrýstingi miðað við hleðslu. Ef vafi leikur á að loki sé rétt stilltur þarf að athuga stillinguna á eftirfarandi hátt.
- Lyftiás er hafður niðri þegar hemlaprófið fer fram (lestaður) og uppi (ólestaður).
- Stýriþrýstingur, Pm, er tengdur við vagntengi eða við stýriþrýsting áður en hann fer í gegnum hleðslustýrða hemlaventilinn. Hemlapróf er framkvæmt samkvæmt notkunarleiðbeiningum fyrir viðkomandi hemlaprófara. Ef eftirvagn er búinn EBS kerfi, þarf að taka raftengið úr sambandi.
- Hemlun ökutækis miðað við Pm þrýsting skal vera innan marka samkvæmt línuritum í reglugerð um gerð og búnað ökutækja. Meta skal niðurstöður út frá upplýsingum úr hemlaprófi og nánari útreikningum samkvæmt ákvæðum reglugerðarinnar sé þess þörf. Ahuga að fyrir dráttarbifreiðar og hengi- og tengivagna eru gröfin hliðruð fyrir hlaðið og óhlaðið ökutæki en fyrir festivagna eru línuritin háð K-stuðli fyrir vagninn sem er mismunandi fyrir hvern einstakan vagn og hvort hann er hlaðinn eða óhlaðinn. Upplýsingar um K-stuðla koma frá framleiðendum vagna skulu notast liggi þau fyrir.
Ef ökutæki hefur fleiri en einn hleðslustýrðan hemlajöfnunarloka og grunur leikur á að þeir séu ekki rétt stilltir þrátt fyrir að heildarhemlun ökutækisins sé innan marka getur reynst nauðsynlegt að athuga stillingu hvers hemlajöfnunarloka fyrir sig miðað við upplýsingarnar sem koma fram á skilti/merkingu um stillingu hemlajöfnunarloka.
Hemlalæsivörn
Varðar breytingar á reglugerð árið 2001 (St8.5.2.1)
Í lið 06.14 vörubifreið var eftirfarandi reglugerðar ákvæði fellt niður þann 31.03.01:
(4) Vörubifreið II sem er yfir 16.000 kg að leyfðri heildarþyngd og hefur tengibúnað fyrir eftirvagn III og IV skal búin hemlum með læsivörn í flokki 1.
Eftir þessa dagsetningu þá skulu allar vörubifreiðar vera búnar hemlum með læsivörn í flokki 1
Sértækar upplýsingar: Hemlastrokkar og leyfileg færsla þrýstiteins
Í töflu 1 má sjá samantekt yfir leyfilega færslu þrýstiteina eftir tegundum hemlastrokka og stærða.
Tafla 1. Leyfileg færsla þrýstiteins (í mm) eftir tegundum hemlastrokka og stærða. (St8.1.5.1)
| Tegund hemlastrokks | 16" | 20" | 24" | 30" | 36" |
|---|---|---|---|---|---|
Bendix MGM | --- | 40 mm | 40 mm | 50 mm | 50 mm |
Bendix MGM K | 45 mm | 45 mm | 45 mm | 45 mm | --- |
Bendix | 40 mm | 40 mm | 40 mm | 45 mm | 50 mm |
Grau | 55 mm | 55 mm | 55 mm | 55 mm | 50 mm |
Wabco-Westinghouse | 40 mm | 40 mm | 40 mm | 40 mm | 50 mm |
Maxibrake | --- | 40 mm | 40 mm | 45 mm | 55 mm |
Wabco-Westinghouse | --- | 40 mm | 40 mm | 45 mm | --- |
Wabco-Westinghouse | 50 mm | 50 mm | 50 mm | 50 mm | --- |
SAB | 45 mm | 45 mm | 45 mm | 45 mm | 45 mm |
Sértækar upplýsingar: Viðmiðunarþrýstingur
Viðmiðunarþrýstingur (Pm) nokkurra bifreiðategunda (St8.2.5.1)
Hér að neðan er listi yfir tegundir hóp- og vörubifreiða og viðmiðunarþrýstingur framleiðanda þeirra, sjá töflu 2. Listinn er flokkaður í stafrófsröð eftir tegundum bifreiðanna.
Ef viðmiðunarþrýstingur framleiðanda liggur ekki fyrir skal nota 6,5 bar.
Tafla 2. Viðmiðunarþrýstingur Pm ýmissa bifreiðategunda.
| BOVA (hópbifreið) | Árgerð | Viðmiðunarþrýstingur |
| FDL 15 – 340 | 97 - | 8,1 bar |
| DAF (vörubifreið) | Árgerð | Viðmiðunarþrýstingur |
| FA, FAG, FAS, FT, FAC, FTS, FTG með týpunúmer milli 1700 og 3605 | 81 - | 7,0 bar |
| Týpunúmer sem byrjar á 95 | 88 - | 8,0 bar |
| Aðrir | 7,0 bar | |
| CF 65/ CF78-85 / XF 95 gerðir. | 8,6 bar | |
| Euro 6 gerðir | 9,5 bar | |
| DAF (hópbifreið) | Árgerð | Viðmiðunarþrýstingur |
| Allir | -83 | 7,0 bar |
| Aktuelle modeller, CF 65/ CF78-85 / XF 95. | 8,6 bar | |
| Euro 6 modeller | 9,5 bar | |
| Ford (vörubifreið) | Árgerð | Viðmiðunarþrýstingur |
| H, HA, HT (Transcontinental) | 6,5 bar | |
| Iveco | Árgerð | Viðmiðunarþrýstingur |
| Magirus 80E20 90E21 100EL-18,_21 | 2000- | 7,3 bar |
| Magirus 120E, -18, -24, -28. 130E18. 150E -23,-24-27-28 180E,-24,-28. 190E -24,-27,-31,38. 240E -38,-42,-47,-52. 260E,-31,-38,-47. 440E -35,-38 | 2000- | 7,6 bar |
| 190-33, 190-42, 190-36 | 86-89 | 7,2 bar |
| Euro Cargo | 92- | 7,2 bar |
| Euro Tech | 93- | 7,2 bar |
| Euro Star | 94- | 7,2 bar |
| Trakker Euro 4-5-6 og Stralis | 8,5 bar | |
| EuroCargo (Euro IV og V) | 7,6 bar | |
| EuroCargo (Euro VI) | 7,3 bar | |
| Stralis (Euro IV-V-VI) og Trakker (Euro IV-V-VI) | 8,0 bar | |
| MAN (vörubifreið) | Árgerð | Viðmiðunarþrýstingur |
| Allir | 88–90 | 6,8 bar |
| TG-A, stafur 4 í verksmiðjunr. er “H” | 2001- | 9,5 bar |
| stafur 4 í verksmiðjunr. er “L” | 1988- | 7,2 bar |
| stafur 4 í verksmiðjunr. er “M” og felgustærð 19,5 tommur | 1988- | 7,2 bar |
| stafur 4 í verksmiðjunr. er “M” og felgustærð 22,5 tommur | 1988- | 8,0 bar |
| stafur 4 í verksmiðjunr. er “F” | 1988- | 8,0 bar |
| Carrus | 7,4 bar | |
| TG-A (alle 19-48t) TG-M(alle 12-26t) TG-L(alle 6-12t) | 9,5 bar | |
| G-serie (6-9t) | 6,5 bar | |
| G 90 (6-9t) með loft- eða blaðfjöðrum | 6,8 bar | |
| M- serie (12-17t) | 6,5 bar | |
| M 90 | 6,8 bar | |
| F 8 (16-48t) með loft- eða blaðfjöðrum | 6,5 bar | |
| F 90 (16-48t) með loft- eða blaðfjöðrum | 6,8 bar | |
| L 2000 (F og FL) allar gerðir | 7,2 bar | |
| M 2000 (10,6-12t og 14-15t) | 7,2 bar | |
| M 2000 (18t og 25t) | 8,0 bar | |
| F 2000 (F og FL) ) allar gerðir | 8,0 bar | |
| Mercedes Benz (vörubifreið) | Árgerð | Viðmiðunarþrýstingur |
| L 613 | 78-86 | 6,7 bar |
| L 1619 | 80-81 | 6,7 bar |
| LP 1418, LP 1932, LP 2223, LP 2224 | 6,0 bar | |
| LP 2232 | -77 | 6,0 bar |
| LA 2624 | 6,0 bar | |
| LP 608 | 6,7 bar | |
| L, LA, LP 1113 B | 6,0 bar | |
| L, LA, LP 1923, 1924 | 6,0 bar | |
| LPS 2023, 2024, 2032 | 6,0 bar | |
| 814 – 1524 | 6,8 bar | |
| 1620 –1644 | 6,7 bar | |
| 1722 – 3553 | 6,5 bar | |
| Actros, Atego a) | 96- | 10 bar |
| Aðrar gerðir fyrir 1996 | -96 | 6,5 bar |
| Actros, Econic, Axor, Atego og Antos með loftfjöðrum | 8,5 bar | |
| Actros, Econic, Axor, Atego og Antos með blaðfjöðrum | 8,0 bar | |
| Mercedes Bens (hópbifreið) | Árgerð | Viðmiðunarþrýstingur |
| O 302, O 317 | 6,0 bar | |
| O 350, O 403, O 404 | 92- | 7,0 bar |
| O 404, O405, O 407, O 408 | 6,8 bar | |
| O 510, O 520, O530, O 580 | 9,3 bar | |
| O 550 | 7,5 bar | |
| Conecto O 345/ Conecto G 345 | 6,5 bar | |
| Tourismo RHD/ Tourismo SHD | 6.6 bar | |
| Intouro 560 RHD/ RH | 6.6 bar | |
| Integro 550U/ Integro 550H / Integro 550M/ Integro 550L | 7,5 bar | |
| Citaro/Cito | 8,5 bar | |
| Conecto/ Conecto G | 8,5 bar | |
| Integro/ Integro M/ Integro L | 9,0 bar | |
| Travego/ Touro/ Tourino/ Tourismo/ Intouro | 9,0 bar | |
| Neoplan (hópbifreið) | Árgerð | Viðmiðunarþrýstingur |
| Allir | 7,0 bar | |
| Ontario | Árgerð | Viðmiðunarþrýstingur |
| 02.501 | 87-91 | 6,2 bar |
| Renault (vörubifreið) | Árgerð | Viðmiðunarþrýstingur |
| Premium HD 100, HR 100. Magnum AE | 93- | 7,5 bar |
| AE385.19, AE420.26 | 6,4 bar | |
| M200.12 | 6,4 bar | |
| G230.19, G270.18/19, G340.18/19, G340.26, G420.26 | 6,4 bar | |
| R385.26 | 6,4 bar | |
| Magnum AE 420 | 93- | 7,5 bar |
| Magnum AE 560 | 93- | 7,5 bar |
| Premium HD 100 | 93- | 7,5 bar |
| Premium HR 100 | 93- | 7,5 bar |
| Magnum, Premium MD11 & MD9 | 10,0 bar | |
| KéraxMD13 & MD11 og Midlum | 10,0 bar | |
| Renault (hópbifreið) | Árgerð | Viðmiðunarþrýstingur |
| PR100.02 | 7,0 bar | |
| Scania (vörubifreið) | Árgerð | Viðmiðunarþrýstingur |
| P, R og T serían, t.d. P270, R500 | 8,0 bar | |
| Ef númerið endar á 2, 3 eða 4, t.d. P112, T94 eða R144 | 7,0 bar | |
| Aðrar | 6,0 bar | |
| 3- og 4 sería fra 80 års modell | 7,0 bar | |
| R580 - type b6x2*4hsa (t.d. 2016 árgerð) | 8,0 bar | |
| P 280 (t.d. 2015 árgerð) | 8,0 bar | |
| P - G - og R sería, og K - N og F sería | 8,0 bar | |
| E-12, E-14 | 7,4 bar | |
| Scania (hópbifreið) | Árgerð | Viðmiðunarþrýstingur |
| BR 112, CR 112 | 7,0 bar | |
| K 82, 92, 93, 112, N112 | 7,0 bar | |
| K 113, L 113, N 113 fram að verksmnr. 1 823 719 | 7,0 bar | |
| K 113, L 113, N 113 frá og með verksmnr. 1 823 720 | 7,5 bar | |
| K 94, K 114, K 124, L 94, L 114 | 7,5 bar | |
| Scania/DAB þjónustubifreið | 7,0 bar | |
| Aðrar | 6,0 bar | |
| Higer A-series - A30 | 8,0 bar | |
| Scania Citywide LE | 8,0 bar | |
| 4- serie buss | 8,0 bar | |
| Setra (hópbifreið) | Árgerð | Viðmiðunarþrýstingur |
| S 208-S 215 | -79 | 6,0 bar |
| S 208-S 215, S 216 HDS, S 228 DT | 80- | 6,5 bar |
| S 309-315 HDH | 8,0 bar | |
| S 316 HDS | 7,5 bar | |
| S 328 DT | 7,5 bar | |
| S 313-S 315 UL | 7,5 bar | |
| S 315 H/GT | 7,5 bar | |
| S 315 GT-HD | 7,5 bar | |
| S 315 NF | 7,5 bar | |
| SG 321 UL, S313 – 328, SG 321 UL | 7,5 bar | |
| 400 serían b) | 8,5 bar | |
| S 309 HD til S 328 DT | 6,8/7,5 bar | |
| S 415 NF til S 416 NF | 8,0 bar | |
| S 415 GT til S 431 DT | 8,0 bar | |
| O 404- O 408 / O 350 | 8,0 bar | |
| Sisu (vörubifreið) | Árgerð | Viðmiðunarþrýstingur |
| Allar tegundir | 6,5 bar | |
| Van-Hool (hópbifreið) | Árgerð | Viðmiðunarþrýstingur |
| A 508 | 7,0 bar | |
| Volvo (vörubifreið) | Árgerð | Viðmiðunarþrýstingur |
| FL 608 – 617, FL6 | 7,0 bar | |
| FL 618 og FS7 – línan | 7,5 bar | |
| FH, FL 12 m. blaðfjöðrum, FL7/10, NL (frá v.nr.220158) án loftfjaðra | 6,6 bar | |
| F, FH, FL, FM, NH og NL með loftfjöðrum | 7,5 bar | |
| F6, F7, F10, F12 og F16 með blaðfjöðrum | 6,0 bar | |
| FH, FL, FM og NH með diskahemlum | 8,5 bar | |
| Aðrar | 6,0 bar | |
| FL og FE, frá árinu 2014 | 2014- | 10,0 bar |
| FH og FM með EBS | 9,0 bar | |
| Volvo (hópbifreið) | Árgerð | Viðmiðunarþrýstingur |
| B6 | 6,4 bar | |
| B7, B7R | 6,6 bar | |
| B7L 2 og 3 ásar og liðvagn | 7,0 bar | |
| B10B | 7,0 bar | |
| B10BLE | 7,0 bar | |
| B10M (verksm.nr. 0-11.499) | 6,0 bar | |
| B10M (verksm.nr. 11.500-11.539) | 6,5 bar | |
| B10M (verksm.nr. 11.540-11.643) | 6,0 bar | |
| B10M (verksm.nr. 11.644-19.999) | 6,5 bar | |
| B10M (verksm.nr. >20.000-) | 7,0 bar | |
| B10M – gildir fyrir bæði 2- og 3-ása og 3 ása liðvagn | 7,0 bar | |
| B10L gildir fyrir 2 0g 3 ása og 3- ása liðvagnar | 7,0 bar | |
| B12 | 7,0 bar | |
| Aðrir gamlir vagnar | 6,0 bar | |
| B7R/LE 4x2 (ABS) | 7,0 bar | |
| B sería vagna með EBS | 8,5 bar | |
| B5TL 4x2 (EBS), B7L 4x2 (EBS), B9L 4x2 (EBS) | 8,5 bar | |
| B7R/LE 4x2 (EBS), B9R 4x2 (EBS) | 8,5 bar | |
| B7R/LE 4x2 (ABS) | 7,0 bar | |
| B12B/LE 4x2 (EBS), B12M 4x2 (EBS), B13R (BXXR) 4x2 (EBS) | 8,5 bar | |
| B11R (BXXR) 4x2 (EBS), BRLH 4x2 (EBS), B8R/LE 4x2 (EBS) | 8,5 bar | |
| B12B/LE 6x2 (EBS), B12M 6x2 (EBS) |
8,5 bar (ásar 1 og 2), 7,0 bar (ás 3) |
|
| B13R (BXXR) 6x2 (EBS), B11R (BXXR) 6x2 (EBS) |
8,5 bar (ásar 1 og 2), 7,0 bar (ás 3) |
|
| B7R 6x2 (EBS), B9R/LE 6x2 (EBS) |
8,5 bar (ásar 1 og 2), 7,0 bar (ás 3) |
|
| B8R/LE 6x2 (EBS), B12M Leddbuss (EBS) |
8,5 bar (ásar 1 og 2), 7,0 bar (ás 3) |
|
| B12 B leddbuss (EBS) |
8,5 bar (ásar 1 og 3), 7,0 bar (ás 2) |
|
| B9S leddbuss (EBS) |
8,5 bar (ásar 1 og 2), 7,0 bar (ás 3) |
|
| B7L leddbuss (EBS), B9L leddbuss (EBS) |
8,5 bar (ásar 1 og 3), 7,0 bar (ás 2) |
|
| BRLHA leddbuss (EBS) |
8,5 bar (ásar 1 og 3), 7,0 bar (ás 2) |
|
| B9S Bi-articulerad, B5TL 4x2 (EBS) | 8,5 bar |
Skýringar:
- Sumar gerðir af Mercedes Benz, t.d. Actros, sem eru með burðarás mælast með mjög litla hemlun í rúlluhemlaprófara þegar bifreiðin er tóm. Þá þarf að tengja loft inn á hleðsluventilinn á eftirfarandi hátt: Á drifásnum eru þrjú mæliúttök. Tengja skal við vinstra neðra úttakið (úttak fyrir mælingu á loftþrýstingi á stöðuhemil) og í mæliúttak á þverbita í grind sem næst er burðarásnum og lítur út eins og t-tenging. Þá mælist þrýstingurinn á hemlastrokkunum sem um fullhlaðna bifreið væri að ræða.
- Á SETRA hópbifreiðum sem hafa vökvahemla að framan en lofthemla að aftan má reikna hemlunarkraft á hefðbundinn hátt. Mæliúttak er undir þjónustuloki við gírstöng eða bak við þjónustulok við fremri tröppur. Á 400 seríunni með þrýstilofthemla að framan og aftan er mæliúttak fyrir framöxul við ástig hjá vinstri framhurð. Úttakið fyrir afturöxul er undir loki á hægri hlið fyrir framan öxulinn.
Sértækar upplýsingar: Prufutengi
Í töflu 3 má sjá samantekt um staðsetningu prufutengja á nokkrum bifreiðategundum.
Tafla 3. Staðsetning prufutengja á nokkrum bifreiðategundum.(St8.2.5.2)
| Upplýsingar um prufutengi |
|---|
| Hópbifreið - Mercedes Benz 0 350 |
 Framan. Aftan. |
| Hópbifreið - Mercedes Benz O 510 |
Staðsetning innan við lúgu fyrir framan vinstra framhjól. Nr 3 og 4 eru fyrir framás (hægra og vinstra hjól), nr. 10 er fyrir afturás. |
| Hópbifreið - Mercedes Benz O 530 2 ása eftir 2000 |
 Staðsetning innan við lúgu fyrir framan vinstra framhjól. Nr. 13 og 14 eru fyrir framás (hægra og vinstra hjól), nr. 17 er fyrir afturás. |
| Hópbifreið - Mercedes Benz O 530 2 ása eftir 2006 |
 
Staðsetning innan við lúgu fyrir framan vinstra framhjól. Nr. 14 og 15 eru fyrir framás (vinstra og hægra hjól), nr. 11 er fyrir afturás. |
| Hópbifreið - Mercedes Benz O 550 |
Staðsetning innan við lúgu fyrir framan vinstra framhjól. Framásar eru "regelat bromsmanövertryck vänster/häger framhjul" og afturás er "manövertryck bakaxelkrets". |
| Hópbifreið - Mercedes Benz O 580 |
Staðsetning innan við lúgu fyrir framan vinstra framhjól. Nr. TP5 og TP6 eru fyrir framása, TP12 er fyrir afturás. |
| Hópbifreið - K Setra S 415 frá 2002 |
 Staðsetning innan við framhurð hægra megin.
Staðsetning innan við lúgu fyrir framan hægra afturhjól. |
| Hópbifreið - K Setra S 416 frá 2006 |
Staðsetning við lúgu vinstra megin. Nr. TP5 og TP6 eru fyrir framás.
Staðsetning innan við lúgu fyrir framan hægra afturhjól. Nr. TP13 og TP14 eru fyrir afturás. |
| Hópbifreið - Volvo B7LE og fleiri |
Staðsetning fyrir aftara kerfi er undir lúgu við aftari hjólskál.
Í sumum tilvikum er hægt að komast að þessu tengi neðan frá. |
| Vörubifreið - Volvo með EBS kerfi frá 2004 |
Staðsetning við vinstra framhjól. 
Staðsetning við tengistykki vinstra megin aftan. |
| Vörubifreið - MAN |
Staðsetning á vinstri hlið. Tveggja ása bifreið (nr. 1 er fyrir framás, nr. 2 er fyrir afturás og nr. 3 er fyrir stöðuhemil) og þriggja ása bifreið (nr. 1 er fyrir framás, nr. 2 er fyrir drifás, nr. 3 er fyrir stöðuhemil og nr. 4 er burðarás framan eða aftan við drifás). Ath að nr. 1 getur verið staðsett á öðrum stað á plötunni en sýnt er á myndinni. |
Sértækar upplýsingar: Aðrar
Hemlabúnaður á léttiás kranabifreiða (St8.2.2.1)
Ekki skal gera athugasemd við hemlabúnað kranabifreiða þótt hemlabúnaður á léttiási sé ekki til staðar. Þetta er háð því skilyrði að hemlunargeta bifreiðanna sé fullnægjandi, sjá nánar kaflann um hemlapróf bifreiða. Þessi undanþága á eingöngu við kranabifreiðir sem nýskráðar voru fyrir 1. júlí 1990.
Breytingasaga skjalsins
Hér sjást efnislegar breytingar sem orðið hafa á texta skjalsins og dagsetning þeirra. Breytinga er ekki getið nema þær hafi efnisleg áhrif (ekki er getið smávægilegra breytinga á orðalagi, leiðréttinga eða breytinga á uppsetningu skjalsins).
| Dagsetning | Efnislegar breytingar |
|---|---|
| 01.01.2023 | Nýtt skjal. Efni tekið úr Stoðriti (útg 20 2017): Kaflar 8.1.3.19, 8.2.3.1, 8.1.5.1, 8.2.2.1, 8.2.3.4, 8.2.4.3-4, 8.2.5.1-2, 8.5.2.1. |
