Verklagsbók: ADR-viðurk.sk.

V05

Rafbúnaður

Sjá töflu 2

V10

Hemlabúnaður

Sjá töflu 2

V15

Eldvarnir

Sjá töflu 2

V20

Hraðatakmarkari

Sjá töflu 2

V25

Tengibúnaður

Sjá töflu 2

V30

Aðrar forvarnir v/eldsneytis

Sjá töflu 2

V35

Sérkröfur EX/II og EX/III

Sjá töflu 2

Almennt gildir að rafkerfið skal vera hannað, útfært og þannig varið að ekki sé hætta á neista eða skammhlaupi við eðlilega notkun á ökutækinu.

Leiðslur

Hér er átt við rafmagnsvíra og kapla eftir því sem við á.

• Leiðslur mega ekki flytja meiri straum en þær eru hannaðar fyrir
• Leiðslur með rafspennu skulu vera nægjanlega einangraðar
• Leiðslur skulu henta umhverfi sínu í ökutækinu með tilliti til hitastigs og þurfa þola þann vökva sem er í umhverfinu.
• Leiðslurnar eiga að vera í samræmi við staðlana ISO 6722-1:2011 + Cor 01:2012 eða ISO 6722-2:2013
• Frágangur og festingar á leiðslunum skal væra slíkur að þær séu varðar hnjaski og hitaálagi.

• Leiðslur fyrir aftan ökumannshús og á eftirvögnum skulu varðar sérstaklega til að lágmarka möguleika á íkveikju eða útleiðslu við árekstur.
• Auka vörnin á að henta aðstæðum við venjulega notkun á ökutækinu.
• Kröfurnar um auka vörn teljast uppfylltar ef notaðar eru margþátta leiðslur í samræmi við ISO 14572:2011 eða eins og dæmin á myndunum hér að neðan eða sambærilegt.

Leiðslur í snúningshraðaskynjara (ABS skynjara) út í hjól þurfa ekki aukna vörn.

EX/II-ökutæki, sem eru lokaðir sendibílar frá verksmiðju og þar sem leiðslurnar fyrir aftan ökumannshús eru varðar af yfirbyggingunni (boddýinu) uppfylla þessa kröfu

Allar straumrásir eiga að vera varðar með öryggi eða útsláttarrofa fyrir utan eftirfarandi:

• Frá ræsi til hreyfils
• Frá ræsi til rafals
• Frá rafli til bræðivars / útsláttarvars / höfuðrofa
• Frá rafgeymi til ræsis
• Frá rafgeymi til stýribúnaðar (kraftstýribox) fyrir hamlarakerfi ef það er rafdrifið eða notar rafsegul

Ofangreindar óvarðar leiðslur eiga að vera eins stuttar og komið verður við.

• Rafgeymatengingarnar (pólar og pólskór) eiga að vera einangraðar eða rafgeymirinn með einangrandi loki
• Rafgeymar sem geta gefið frá sér eldfima gufu og eru ekki undir vélarhlíf, eiga að vera í loftræstu hólfi

Raftengingar skulu þannig hannaðar að þær hindri:

• að raki og óhreinindi komist í þær. Tengingarnar þurfa að lágmarki að uppfylla IP54 í samræmi við IEC 60529
• óviljandi aftengingu eða aftengingu fyrir slysni. Tengi skulu vera í samræmi við punkt 5.6 í ISO 4091:2003

• Spenna í rafkerfinu má ekki yfirstíga 25V riðstraum eða 60V jafnstraum
• Hærri spennur eru leyfðar í hluta rafkerfisins ef það er galvaníst einangrað og ekki nær farmrými eða tanki en 0,5 m.
• Önnur kerfi sem vinna á spennu yfir 1000V riðstraumi eða 1500V jafnstraumi skulu vera innbyggð í lokaðan kassa.
• Ef notuð eru Xenon ljós má aðeins nota ljós með innbyggðum startara

• Rofi (höfuðrofi) sem rýfur strauminn í rafkerfinu á að vera staðsettur eins nálægt rafgeymi og unnt (hentugt) er. Ef notaður er eins póls rofi á hann að vera á straumleiðslunni (+) en ekki jarðsambandinu.
• Stjórntæki (rofi) til að rjúfa og tengja höfuðrofann skal vera staðsett í ökumannshúsinu. Það skal vera auðveldlega aðgengilegt fyrir ökumann og merkt greinilega á viðeigandi hátt. Stjórntækið skal útfært þannig að á því sé lok eða tvíþætt hreyfing til að varna ótilætlaðri notkun. Aðrar útfærslur eru leyfðar með þeim skilyrðum sem greind eru að ofan.

Þeir hlutar rafkerfisins þ.m.t. leiðslur sem eru með stöðugan straum þegar höfuðrofinn er opinn eiga að vera viðeigandi til notkunar í hættulegu umhverfi. Slíkur búnaður skal uppfylla almennar kröfur í IEC 60079 hluta 0 og 14, sjá nánar í ADR- reglum: 9.2.2.9.1 og 9.2.2.9.2

a) Þeir hlutar rafkerfisins þ.m.t. leiðslur sem eru með stöðugan straum þegar höfuðrofinn er opinn eiga að vera viðeigandi til notkunar í hættulegu umhverfi. Slíkur búnaður skal uppfylla almennar kröfur skv. IEC 60079, hluta 0 og 14.

b) Við notkun á staðli IEC 60079, hluta 14 skal fylgja eftirfarandi flokkun:
Rafbúnaður með stöðugum straumi þ.m.t. leiðslur sem tilheyra ekki 9.2.2.4 og 9.2.2.8 skal almennt uppfylla kröfur skv. 1 svæði (e. Zone 1) fyrir rafbúnað og kröfur skv. 2 svæði (e. Zone 2) fyrir rafbúnað í ökumannshúsi. Kröfur vegna sprengiefnaflokk IIC skulu uppfylla hitaflokk T6.

c) Hinsvegar, fyrir búnað með stöðugum straumi sem er komið fyrir í umhverfi þar sem utankomandi hiti (hiti sem stafar ekki frá rafbúnaði) fer yfir hitaflokk T6, skal búnaðurinn uppfylla að minnsta kosti hitaflokk T4.

Hliðartengingar við höfuðrofa fyrir rafbúnað sem þurfa að hafa stöðugan straum þegar höfuðrofinn er opinn, skulu vera varnar því að ofhitna með viðeigandi hætti, svo sem með öryggi, aflrofa eða öryggisvörn (straumtakmarkara).

Sjá nánar í ADR 9.2.2.9

• Vélknúin ökutæki og eftirvagnar sem teljast flutningseiningum fyrir hættulegan farm eiga að uppfylla viðhlítandi kröfur í UN reglugerð nr. 13 með breytingum, í samræmi við dagsetningar á gildistöku sem þar koma fram. UN reglugerð nr. 13 innheldur kröfur til hemla fyrir ökutæki í ökutækjaflokkunum M, N og O.
• EX/II-, EX/III-, FL-, og AT-ökutæki eiga að uppfylla kröfurnar í UN reglugerð nr. 13, viðhengi 5. Viðhengi 5 inniheldur sérreglur um hemla ADR ökutækja.

Útfærslan skal vera þannig að ef leki á sér stað þá lekur beint til jarðar án snertingar við farminn eða heita hluta ökutækisins. Nánari upplýsingar í ADR-reglum.

9.2.4.4

Hreyfill

• Hreyfillinn sem drífur ökutækið skal vera útbúinn og staðsettur þannig að farminum stafi ekki hætta af vegna hita eða íkveikju.
• Sérákvæði eru í ADR reglugerðinni ef notað er CNG- eða LNG- eldsneyti. Sama gildir um LPG eldneyti. EX/II og EX/III ökutæki skulu búinn hreyfli með þrýstikveikju sem notar einungis eldsneyti með blossamarki yfir 55°C. Ekki er heimilt að nota gas.

• Ökutæki útbúin hamlarakerfi sem gefur frá sér mikinn hita og sem er staðsett aftan við ökumannshúsið eiga að vera útbúin hitahlíf.
• Hitahlífin skal vera staðsett á milli kerfisins og tanksins eða farmsins og tryggilega fest þannig að ekki verði upphitun á farmi eða tanki jafnvel í litlum mæli.
• Að auki skal hitahlífin verja hamlarakerfið gegn hverskyns leka eða yfirfalli frá farminum, jafnvel þó slys/óhapp eigi sér stað. T.d. er vörn sem er tvöföld (tvíveggja eða tvö þil) talin nægjanleg.

Brunahólfshitarann þarf að vera hægt að stöðva með eftirfarandi aðferðum:

• Handstýrður rofi í ökumannshúsi
• Þegar hreyfill ökutækisins er stöðvaður, í slíku tilfelli er hægt að gangsetja hitarann handvirkt hjá bílstjóra
• Þegar dæla til að dæla farmi er ræst

• Eftir að hitarinn hefur verið stöðvaður má hann ganga í 40 sek. Að þeim tíma loknum skal á viðeigandi hátt lokast fyrir loftflæði til hitarans.
• Einungis má nota hitara sem eru gerðir til að þola styttan skolunartíma (40 sek) við venjulega notkun.

Tengibúnaður á vélknúnum ökutækjum og eftirvögnum eiga að vera í samræmi við UN-reglugerð nr. 55 með breytingum og dagsetningum á gildistöku.

• Brunahólfshitara má einungis koma þannig fyrir að þeir hiti aðeins ökumannshús og vélarými.
• Brunahólfshitarar skulu uppfylla lágmarkskröfur samkvæmt 9.2.4.7.1, 9.2.4.7.2, 9.2.4.7.5 og 9.2.4.7.6.
• Rofi til stjórnunar á brunahólfshitara má vera utan ökumannshúss.
• Engir hlutar brunahólfshitara, þar með talið eldsneytisgeymar, inntak eða útblásturskerfi hitunartækis skal vera komið fyrir í farmrými ökutækis.

• Ökutæki skal vera hannað, framleitt og þannig útbúið að sprengifimur farmur sé varinn gegn ytri hættum og veðri.
• Farmrýmið skal annaðhvort vera full lokað eða með hlífðartjaldi.
  • Hlífðartjald skal ekki rifna auðveldlega, vera vatnsþétt og úr lítt eldfimu efni.
  • Hlífðartjald skal vera strekkt þannig að það nái yfir allar hliðar framrýmis.
• Öll op skulu vera með þéttri hurð eða strekktri/stífri hlíf sem hægt er að læsa
• Ökumannsrýmið skal vera vera aðskilið frá farmrými með heilum vegg.

• Ökutæki skal vera hannað, framleitt og þannig útbúið að sprengifimur farmur sé varinn gegn ytri hættum og veðri.
• Ökutækið skal vera lokað.
• Ökumannsrýmið skal vera vera aðskilið frá farmrými með heilum vegg.
• Hleðsluflötur skal vera samfelldur (heimilt er að hafa festingar fyrir farm)
• Öll samskeyti skulu vera þétt.
• Hægt verður að vera að læsa öllum opnanlegum hurðum og hlerum.
• Hurðir og hlerar skulu vera þannig útbúnar og komið fyrir að öll liðamót séu hulin utanfrá.
• Yfirbygging ökutækis skal vera úr hita- og eldþolnu efni sem er að minnsta kosti 10mm að þykkt. Efni sem fall í flokk B-s3-d2 samkvæmt staðlinum EN 13501-1:2007 + A1:2009 teljast uppfylla þessi ákvæði.
  • Ef yfirbygging er úr málmi skulu allar innhliðar hennar vera klæddar með efni sem uppfyllir sömu kröfur.

Útblásturskerfi

Útblásturskerfi skal vera útfært og staðsett þannig að farmi stafi ekki hætta af vegna hita, þannig að innra lag farmrýmis fari ekki yfir 80°C.

Rafbúnaður

• Rafbúnaður (þ.m.t. rafkerfi) skal uppfylla kröfur samkvæmt 9.2.2.1, 9.2.2.2, 9.2.2.3, 9.2.2.4, 9.2.2.5, 9.2.2.6, 9.2.2.7, 9.2.2.8 og 9.2.2.9.2.
• Rafbúnaður í farmrými skal vera rykvarið og uppfylla að lágmarki IP54 samkæmt IEC60529 eða sambærilegu. Sé ætlað að flytja efni í aðskilnaðarflokk J, skal rafbúnaður varinn þannig að hann uppfylli IP65 samkvæmt IEC 60529 eða sambærilegu.
• Engar rafleiðslur skulu vera staðsettar innan farmrýmis. Rafbúnaður sem er aðgengilegur innan farmrýmis skal vera nægilega vel varinn þannig að hann þoli högg frá farmi að innanverðu.